SuperDizionari

arzin s.m.
(ar-zin)

Rialç naturâl di tiere ingrumade che si forme dilunc dai ôrs di un flum o di un riul o ancje rialç artificiâl tirât sù par contignî la aghe

sinonimi

arzar

esempi

"là che no jerin lens daprûf dai arzins, la canaie e lave a nadâ e, li, a jerin oris di salts e furcjumitis, di vuics e di sclipigns, di corsis e di scherçs"

da "Il muc" di Roberto Ongaro

"e je la strade di Plovit di fâ, di tirâ sù l'arzin dal flum vie insom dai orts"

da "La aghe da pît la cleve" di Dino Virgili

"il Cormôr al è stât fât presonîr di arzins e retificât"

da "Cuar e Cormôr" di Mario Martinis

arzin s.m.
(ar-zin)

Rialç di tiere che al ten sù o al poie struturis, stradis, feradis, che al fâs di difese, che al risulte di lavôrs tal teren e v.i.

sinonimi

ripâr, rivâl, jevade

esempi

"cjastelîrs, ven a stâi centris fortificâts [...] difindûts dai arzins di spalt"

da "Storie de art in Friûl" di Bepi Agostinis

arzin s.m.
(ar-zin)

Limitazion (fig.)

sinonimi

bariere, difese, ripâr, roste, slaif, fren

esempi

"a jerin vignûts a non dal Comitât di Liberazion par che ancje lui al judàs a tornâ a meti ordin, a fâ arzin aes passions disfrenadis"

da "Sul agâr" di Pieri Menis

monolingue