Hai cercato la parola
monolingue
Torna indietro

monolingue

atîf adi.
(a-tîf)
Che al fâs, che al lavore, che si impegne
sinonimi
dinamic, eficaç, eficient, energjic, laboriôs, lavoradôr, pront, sfadion, sveât, vitâl, vivarôs, zovevul, produtîf, impegnât
esempi
"atîf e galantom in pôc timp al veve fats une vore di aventôrs"
da "La mulinarie" di Catarine Percude
"in sostance Mirco, ancje se contraditori, al jere un om atîf e positîf"
da "Par stradis lungjis" di Alan Brusini
"il to om al è ben sfrancjât come fornasîr, e lu fâs dal naturâl come il mangjâ e il respirâ… E al è atîf e, alore, dut al scuen lâ indenant ben"
da "La tiere di Lansing" di Maria Forte
atîf adi.
(a-tîf)
Plen di ativitâts, impegns, interès
sinonimi
dinamic, vitâl
esempi
"ognidun di nô al pues cjapâsi cure di se, se al manten une vite ative in dutis lis etâts"
da "Metiti in moto!" di Guglielmo Pitzalis
atîf adi.
(a-tîf)
Che al à funzion specifiche e determinante intun davuelziment di alc
sinonimi
produtîf
esempi
"des trê «epopeis» talianis dal secul passât il Friûl al cjapà part ative nome ae prime: a chê dal '48"
da "Cuintristorie dal Friûl fin sot la Italie" di Josef Marchet
"i docents a favorissin la partecipazion ative dai arlêfs"
da "La tutele de lenghe furlane a scuele" di Patrizia Pavatti
atîf adi.
(a-tîf)
Che al è in vore
sinonimi
in ativitât, in vore, tacât, inviât
esempi
"i sistemis automatics di sigurece antisismiche a àn studât ducj i reatôrs atîfs, fermant lis reazions di fission"
da "Il disastri de centrâl nucleâr di Fukushima Dai-ichi" di Alessandro Pascolini
"des 27 radios notadis intal scandai dopo cuasi vincj agns a son ativis juste 3 o 4"
da "Un Friûl difarent: i 90 mhz di Onde Furlane" di Max Mauro
atîf adi.
(a-tîf)
[CO] (ling.) Che al à a ce fâ cu la emission dal messaç (impropr.)
esempi
"o ai testade la competence ative dai students cuant che o ai scomençât e dome il 20 par cent a savevin fevelâ par furlan. Ae fin dal an ducj a savevin fevelâ e scrivi in marilenghe"
da "Interviste a Pierluigi Cappello" di Walter Tomada
"vê la pussibilitât di cjapâ competencis ativis e passivis tal ûs di plui lenghis"
da "Minorancis linguistichis" di Marc Stolf
atîf adi., s.m.
(a-tîf)
Che, cui che intun rapuart sessuâl al penetre
atîf adi.
(a-tîf)
[CO] (gram.) De forme verbâl, che e esprim la azion fate dal subiet
esempi
"la vôs ative e mostre che il sogjet al fâs la azion"
da "Marilenghe gramatiche furlane" di Zuan Nazzi Matalon
atîf adi.
(a-tîf)
[CO] (econ.) Che al da o al regjistre lis jentradis o plui jentradis che jessudis
esempi
"cambiament di denominazion in dutis lis puestis ativis (tassazion) e passivis (spese publiche)"
da "Euro o no euro: isal chest il probleme?" di Patrizia Tiberi Vipraio
atîf adi.
(a-tîf)
[TS] (chim.) Di element o sostance, che, in cundizions particolârs, al mostre une reativitât plui intense dal normâl
esempi
"i sistemis plui cognossûts pal tratament des aghis refluis a son i procès a pantan atîf"
da "Modei matematics par implants di depurazion: primis aplicazions in Friûl" di Redazion SSTF
Torna in Cima