SuperDizionari

atrazion s.f.
(a-tra-zi-on)

[CO] (fis.) Fuarce mutuâl che si à jenfri doi cuarps e che ju puarte a svicinâsi

esempi

"la lune e à davêr une buine influence su lis plantis tant par vie dal lusôr che par vie de atrazion"

da "Ort e cusine" di Emilia Baldassarre

atrazion s.f.
(a-tra-zi-on)

Fuarce o capacitât di fâ rivâ, svicinâ, adeguâ e v.i.

esempi

"Pordenon al rapresente un centri di atrazion pai abitants dal mandament di Puart"

da "Puart-Pordenon: matrimoni di sest" di Daniela Chersicla

"catalizâ risorsis publichis e privadis (colaborazion cun proprietâts coletivis, ents locâi, atrazion di fonts comunitaris e di invistidôrs privâts)"

da "Ancje la Basse Furlane e à i siei ben coletîfs, risorse par ducj" di Lorenzo Fabbro

atrazion s.f.
(a-tra-zi-on)

Interès par alc

esempi

"la atrazion par une lenghe e ven tignude vive se inta chê lenghe si fasin robis buinis"

da "Il cjâf dai furlans" di Franc Fari

atrazion s.f.
(a-tra-zi-on)

Persone o robe che e riclame interès

esempi

"al veve cjarinât plui voltis la bestie, une purcitone bocognone che e jere la atrazion de sagre"

da "I purcits si stimin a pês" di Raffaele Serafini

"900 mil visitadôrs ogni an a van a viodi il Grossglockner, la strade e je bielzà deventade une des primis trê atrazions turistichis in Austrie"

da "La plui grande aree alpine sot tutele" di Janez Erat

monolingue