Hai cercato la parola
monolingue
Torna indietro

monolingue

azion s.f.
(a-zi-on)
Il fâ in maniere volontarie
sinonimi
at, fâ, opare, fat
esempi
"o crôt che la cognossince e sedi il pilastri par une azion meditade e libare"
da "Il cjâf dai furlans" di Franc Fari
azion s.f.
(a-zi-on)
Di robis, sostancis, events e fenomens di nature, il jessi in ativitât e produsi efiets
sinonimi
efiet, risulte, ativitât
esempi
"[la ativitât fisiche] e cres la sensibilitât ae azion de insuline, corezint, duncje, une des causis dal diabete"
da "Curâ il diabete" di Guglielmo Pitzalis
azion s.f.
(a-zi-on)
[CO] (milit.) Manovre tatiche
sinonimi
manovre, operazion
esempi
"a vevin scomençât lis primis azions di disturp cuintri dai distacaments todescs e republichins"
da "Il muc" di Roberto Ongaro
"il malstâ sot de Austrie al à une incressite che e sburte a lis azions armadis dal 1848"
da "Il Risorziment a Martignà" di Elio Varutti
azion s.f.
(a-zi-on)
[CO] (sport) Manovre di zûc
esempi
"[l'Udin] nol reste a cjalâ i aversaris ma al fâs il so zûc e al met adun diviersis azions ofensivis"
da "Udinese - Lecce 1-2" di Marc Stolf
azion s.f.
(a-zi-on)
[CO] (cinem.) Secuence di acjadiments rapresentâts o descrits
esempi
"chê unitât di spazi, di timp e di azion che, contade sul palc, e je chê proprie de vite dal om"
da "Storie e cronistorie dal teatri in Friûl" di Bepi Agostinis
"chest plan [il plan mezan] al instaure un ecuilibri dramatic jenfri azion e ambient"
da "Dizionari dai tiermins cinematografics" di Fabian Ros
azion s.f.
(a-zi-on)
Dinamicitât di vicendis che a vegnin contadis o rapresentadis
esempi
"te suaze di chel che al sarà un film di azion, lis senis a varessin di jessi ziradis su la piste di schi in localitât Graben, su la cueste slovene de Mont Cjanine"
da "Sorelûc di Ron Howard su la mont Cjanine" di Luciano Lister
azion s.f., inter.
(a-zi-on)
[CO] (cinem.) Ordin dal regjist di scomençâ a zirâ une sene
esempi
"un, doi, trê..., azion!"
azion s.f.
(a-zi-on)
[TS] (dir.) Dirit di inviâ un procès par vê sentence
sinonimi
cause
azion s.f.
(a-zi-on)
[TS] (fis.) Grandece fisiche che si oten cul prodot de energjie pal timp
proverbi
"la prime nobiltât e je chê des azions"
"ognidun al è fi des sôs azions"
Torna in Cima