SuperDizionari

manovre s.f.
(ma-no-vre)

Complès di moviments che a domandin un ciert impegn o abilitât, che a compuartin une cierte dificoltât, par rivâ a un ciert obietîf

sinonims

moviment

esemplis

"al dispeà il spolert, che al sbrissà a planc a planc su lis breis dal cjaruç. Al scugnì fâ mil manovris par tirâlu jù, e po lassâlu li tal curtîl, spietant che cualchidun i des une man a puartâlu disore"

gjavât fûr di "Prime di sere" di Carlo Sgorlon

manovre s.f.
(ma-no-vre)

[TS] (milit.) Moviment di trupis, par esercitazion o par cjapâ une cierte disposizion tatiche

esemplis

"a vignivin i soldâts a fâ lis manovris a Vendâs"

gjavât fûr di "Par stradis lungjis" di Alan Brusini

" i Sovietics, spaurîts pe manovre NATO “Able Archer”, a vessin alertât i bombardîrs nucleârs"

gjavât fûr di "Un cjasâl, une vuere nucleâr" di Checo Tam

manovre s.f.
(ma-no-vre)

Iniziative, in gjenar complicade o dificile o delicade o platade, par rivâ a un ciert fin (fig.)

sinonims

moviment, smaneç, truc, zîr

esemplis

"si po mai crodi se l'ispetôr al varès pandût alc des sôs manovris e des sôs piçulis scuviertis"

gjavât fûr di "Cretevierte" di Roberto Ongaro

"o vin simpri fevelât clâr e sclet, o vin cirût di smascarâ lis manovris pôc netis"

gjavât fûr di "Esam di cussience" di Josef Marchet

manovre s.f.
(ma-no-vre)

Azion politiche o aministrative cun efiets su belanç e competencis

esemplis

"il Guvier al discuteve de manovre economiche cu la idee di sierâ lis Provinciis sot dai 300 mil abitants"

gjavât fûr di "Isontino? No, Friûl orientâl" di Walter Tomada

monolengâl