SuperDizionari

azion s.f.
(a-zi-on)

Il fâ in maniere volontarie

sinonims

at, fâ, opare, fat

esemplis

"o crôt che la cognossince e sedi il pilastri par une azion meditade e libare"

gjavât fûr di "Il cjâf dai furlans" di Franc Fari

azion s.f.
(a-zi-on)

Di robis, sostancis, events e fenomens di nature, il jessi in ativitât e produsi efiets

sinonims

efiet, risulte, ativitât

esemplis

"[la ativitât fisiche] e cres la sensibilitât ae azion de insuline, corezint, duncje, une des causis dal diabete"

gjavât fûr di "Curâ il diabete" di Guglielmo Pitzalis

azion s.f.
(a-zi-on)

[CO] (milit.) Manovre tatiche

sinonims

manovre, operazion

esemplis

"a vevin scomençât lis primis azions di disturp cuintri dai distacaments todescs e republichins"

gjavât fûr di "Il muc" di Roberto Ongaro

"il malstâ sot de Austrie al à une incressite che e sburte a lis azions armadis dal 1848"

gjavât fûr di "Il Risorziment a Martignà" di Elio Varutti

azion s.f.
(a-zi-on)

[CO] (sport) Manovre di zûc

esemplis

"[l'Udin] nol reste a cjalâ i aversaris ma al fâs il so zûc e al met adun diviersis azions ofensivis"

gjavât fûr di "Udinese - Lecce 1-2" di Marc Stolf

azion s.f.
(a-zi-on)

[CO] (cinem.) Secuence di acjadiments rapresentâts o descrits

esemplis

"chê unitât di spazi, di timp e di azion che, contade sul palc, e je chê proprie de vite dal om"

gjavât fûr di "Storie e cronistorie dal teatri in Friûl" di Bepi Agostinis

"chest plan [il plan mezan] al instaure un ecuilibri dramatic jenfri azion e ambient"

gjavât fûr di "Dizionari dai tiermins cinematografics" di Fabian Ros

azion s.f.
(a-zi-on)

Dinamicitât di vicendis che a vegnin contadis o rapresentadis

esemplis

"te suaze di chel che al sarà un film di azion, lis senis a varessin di jessi ziradis su la piste di schi in localitât Graben, su la cueste slovene de Mont Cjanine"

gjavât fûr di "Sorelûc di Ron Howard su la mont Cjanine" di Luciano Lister

azion s.f., inter.
(a-zi-on)

[CO] (cinem.) Ordin dal regjist di scomençâ a zirâ une sene

esemplis

"un, doi, trê..., azion!"

azion s.f.
(a-zi-on)

[TS] (dir.) Dirit di inviâ un procès par vê sentence

sinonims

cause

azion s.f.
(a-zi-on)

[TS] (fis.) Grandece fisiche che si oten cul prodot de energjie pal timp

monolengâl