SuperDizionari

monolengâl

bagnâ v.tr.
(ba-gnâ)

Fâ che alc al sedi imbombât o cuviert o tocjât di aghe o di un altri licuit

esemplis

"o sin partîts, none denant tirade sù in code, cui mulots in man, e jo daûr, discolç, cui bregons ravaiâts fin al zenoli par no bagnâju te rosade"

gjavât fûr di "Il cuader de none" di Pieri Menis

"tai curtîi i contadins a metevin in sest i turclis e a bagnavin lis semplis par sglonfâ lis dovis"

gjavât fûr di "Prime di sere" di Carlo Sgorlon

bagnâ v.tr.
(ba-gnâ)

Urinâ, in mût di sporcjâ i panzits, i vistîts, i bleons o sim. (eufem.)

esemplis

"di un pôc di timp e veve scomençât a sofrî di incontinence di urine e, ogni tant, e bagnave il jet"

gjavât fûr di "Il muc" di Roberto Ongaro

bagnâ v.tr.
(ba-gnâ)

Bevi vin o alc altri par celebrâ alc o ancje dome par stâ in compagnie (fig.)

sinonims

batiâ

esemplis

"a son robis di no crodi e che ti sucedin dome une volte ta la vite e di chês che si scuen bagnâ, se no altri"

gjavât fûr di "Eivissa mon amour" di Fabian Ros

"a si dîs: bagnâ il licôf / a si dîs bagnâ i riçots / e jo sì che i ju ai bagnâts / jo sì plera, jo seglot"

gjavât fûr di "Un emigrant" di Giorgio Ferigo

detulis

"contadin no stâ seâ parcè che la mari il fi e à di bagnâ"

"cui che al à bagnât al è ancje bon di suiâ"

"cui che al vûl cjapâ il gût, bisugne che si bagni il cûl"

"il Signôr al à aghe par bagnâ ducj"

"par screâ bisugne bagnâ"

"se si vûl piâ pes, bisugne bagnâ il cûl"

torne sù