Hai cercato la parola
monolingue
Torna indietro

monolingue

bandonât p.pass.
(ban-do-nât)
Vt. bandonâ, vt. bandonâsi
bandonât adi.
(ban-do-nât)
Di cdn., che al è stât lassât di bessôl
sinonimi
bessôl, derelit, trascurât, sengul
esempi
"un istitût par vuarfins e fruts bandonâts"
"al passà di cheste vite çavariant, misar e bandonât tant che un cjan"
da "La liende di Dimponç" di Josef Cjargnel
Vedi anche: abandonât
bandonât adi.
(ban-do-nât)
Di un puest, dulà che nol è plui a stâ nissun
sinonimi
desert, desolât, disabitât, inabitât, pustot
esempi
"placis vueidis di paîs bandonâts"
da "Ombris tal infinît" di Carlo Sgorlon
"lavorâ di gnûf i terens pustots, nivelâ i cjamps, fâ arzins e drenâ lis aghis, regolâ lis cjasis bandonadis"
da "La emigrazion furlane in France 1820-1970" di Matteo Ermacora
bandonât adi.
(ban-do-nât)
Lassât cence coltivazion
sinonimi
sbaldinât, pustot
esempi
"[sutive, Allium vineale] a si cjate intai vignâi, par chest il so non, intai cjamps bandonâts, intai boscs, dongje des stradelis dai cjamps"
da "Jerbis salvadiis inte cusine furlane" di Giorgio Pascoli
bandonât adi.
(ban-do-nât)
Salvadi, caraterizât de mancjance o de lontonance dai oms
sinonimi
desert, solitari, salvadi, isolât, rimit, desolât
esempi
"lis sepulturis, dongje, a fasin dûl tal lôr disordin, in chel aiar bandonât e dispierdût fra lis crôs"
da "La tiere di Lansing" di Maria Forte
bandonât adi.
(ban-do-nât)
Di alc, che par cualchi reson al è restât intun puest, soredut intun puest che nol è il so o in disordin
sinonimi
lassât, molât, pierdût
esempi
"su la taule a jerin ancjemò cjartis bandonadis a slas"
"un pâr di scarpis bandonadis tun cjanton"
bandonât adi.
(ban-do-nât)
Dal cuarp o di une part dal cuarp, rilassât
sinonimi
slassât
esempi
"al sintive, tant che se al fos in chel moment, il cuarp di jê, morbit e tuarteliç che si lassave puartâ, bandonât e fiduciôs"
da "Cretevierte" di Roberto Ongaro
"al butave une smicjade de bande di Catine che cumò - lis mans bandonadis sul grim - e scugnive mostrâ la muse inte lûs che e ploveve de barconele"
da "Trê feminis" di Gianni Gregoricchio
Torna in Cima