SuperDizionari

desert s.m.
(de-sert)

Teritori disabitât o scuasi disabitât, e cun cundizions climatichis estremis che a fasin che e sedi scjarse ancje la presince di plantis e bestiis

esemplis

"la lungje carovane di cjars a motôr e passe sui puints dai “uadi”, i flums dal desert"

gjavât fûr di "La vuere di Checo" di Checo Tam

"si pense che tal desert al sedi cjalt, invezit te prime part de gare si patìs soredut il frêt, in Maroc, in Alzerie e in Libie"

gjavât fûr di "Edi Orioli: la braùre di rapresentâ il Friûl" di Valentina Pagani

Viôt ancje: disiert

desert s.m.
(de-sert)

Puest dulà che e je pocje int (fig.)

sinonims

bandonât, disabitât, spopolât, vueit

esemplis

"in chei sîts al veve di sei restât dibot un desert e che i Sclâfs des monts a soreli jevât, o invidâts o lassâts vignî dai Patriarcjis, a capitarin a tornâlu a popolâ"

gjavât fûr di "Cuintristorie dal Friûl fin sot la Italie" di Josef Marchet

"lis lûs impiadis sui cjantons des cjasis e su lis beorcjis des stradis, a mostrin che il paîs al è un desert cence sperance"

gjavât fûr di "I forescj" di Alan Brusini, Gian Paolo Linda

desert s.m.
(de-sert)

Situazion ancje psicologjiche di mancjance di contats uman, di calôr, di vite (fig.)

sinonims

desolazion, isolament, solitudin

esemplis

"al sintive un vueit ta la anemute, un desert intor di se, là che a si sfantavin i ricuarts [...]"

gjavât fûr di "La aghe da pît la cleve" di Dino Virgili

"al reste simpri il desert interiôr, là che la anime si inflapìs e e pendole come une plante cence aghe"

gjavât fûr di "Sant Jacum, là che al finìs il mont" di Antoni Beline

monolengâl