Hai cercato la parola
monolingue
Torna indietro

monolingue

baston s.m.
(bas-ton)
Toc lunc di len
sinonimi
mace, manecul, manel, racli, ranganel, aste
esempi
"fermâ la veture par lâ a movi un baston, un ramaç che al steve di traviers te strade"
da "Come tai romançs" di Alan Brusini
"al è jessût dal puartonut di spalts inviantsi in premure sù pe strade plene di polvar cul so sacut tacât sul baston butât su lis spadulis"
da "Vigji il cuintribandîr" di Pieri Menis
"il baston de bandiere"
"il baston des tindinis"
Vedi anche: boston
baston s.m.
(bas-ton)
Toc di len, o ancje di metal o di altri materiâl, par poiâsi cjaminant
esempi
"cumò si moveve nome cul zirel o cul baston"
da "Anglia Ford 1960" di Checo Tam
baston s.m.
(bas-ton)
Toc di len, o in câs di altri materiâl, par dâ jù
esempi
"il cjan, tignût a bade dal baston dal piorâr, si jere metût a urlâ di lôf"
da "Clâr e scûr" di Pieri Somede dai Marcs
"al prin di Mai dal 1867 e sucêt une gruesse insubordenazion di bande di dusinte contadins armâts cun bastons, falçs e imprescj dai cjamps"
da "Il Risorziment a Martignà" di Elio Varutti
baston s.m.
(bas-ton)
Violence
esempi
"al capìs dome che il baston"
baston s.m.
(bas-ton)
Massime in riferiment aes ditaturis, esercizi violent dal podê (fig.)
esempi
"striçâ ogni libertât individuâl e coletive, imolade sul altâr di une Patrie imponude a colps di retoriche, demagogjie e baston"
da "Cuintristorie dal Nûfcent 1920-1930" di Angelo Floramo
baston s.m.
(bas-ton)
Autoritât, podê, comant (fig.)
esempi
"sô mari, come un brigadîr cence cûr, e comandave, e tignive in man lis clâfs e il baston"
da "Chei di Muraie" di Pieri Menis
"timorose di pierdi il baston dal comant, di cedi la cjace, di sei primade te considerazion dal fi"
da "Cretevierte" di Roberto Ongaro
baston s.m.
(bas-ton)
Confezion strete e lungje di cjocolate, di toron e v.i.
esempi
"al à mangjât dut un baston di cjocolate"
"un baston di mandolât"
baston s.m.
(bas-ton)
Stangje di açâl che si dopre par armâ il ciment
baston s.m.
(bas-ton)
[CO] (zûcs) Un dai cuatri pâi des cjartis di briscule, che al à di simbul macis
esempi
"butâ jù il cuatri di baston"
proverbi
"al vâl plui il baston di un pastôr che no la medisine di un grant dotôr"
"cuant che no zove la reson, si dopre il baston"
"il pari bon al dopre il baston"
"lunc o curt, un baston al è simpri un baston"
"pal mus al vûl baston"
Torna in Cima