Hai cercato la parola
monolingue
Torna indietro

monolingue

beât adi., s.m.
(be-ât)
Che, cui che al à une grande fortune, ancje in esclamazions e espressions proverbiâls
sinonimi
fortunât
esempi
"Tite, beât tu che no tu âs tancj pinsîrs!"
da "Barbane" di Pieri Somede dai Marcs
" "Beât lui, magari ancje jo!""
da "Amîs come prime" di Alan Brusini
Vedi anche: biât
beât adi., s.m.
(be-ât)
[TS] (religj.) Che, cui che al gjolt de vision di Diu
esempi
"Infier e Purgatori e Paradîs, / al visità lis animis danadis, / po ches in purghe e in ultin lis beadis"
da "Lenghe e dialet" di Emilio Nardini
beât s.m.
(be-ât)
(religj.) Persone venerade de Glesie cun cult public ancje se no sant
esempi
"la arcje di marmul dal beât Beltram"
da "Gnove scuvierte su la acuile di Beltram, simbul de Patrie: interviste ae diretore dal Museu dal Domo di Udin" di Natascia Gargano
beât adi., s.m.
(be-ât)
Dal dut content, sodisfat, cuiet e cence pinsîrs
sinonimi
cence pinsîrs, content, fortunât, pacjific, seren, gloriôs, estasiât
esempi
"a jerin daûr a fâ un grant paston insiemi cul pari dut content e beât"
da "Trê sûrs" di Andreina Nicoloso Ciceri
"Luziute mi à puartât un bon te di camamile che mi à fat durmî beât come une creaturine inocente"
da "Viaç a Vignesie" di Arturo Feruglio
beât adi., s.m.
(be-ât)
Che, cui che al à une anime inocence, e in câs ancje pocje inteligjence,
esempi
"beât om, nol saveve lui il dam che nus sarès vignût"
da "Come tai romançs" di Alan Brusini
"cetantis che ind à ditis cuintri il Judiç istrutôr e cuintri chel beât om di Procuradôr dal Re"
da "Florean dal Palaç" di Guido Antonioli
proverbi
"beade chê cjase che e à un vieli dentri"
"beât chel che al po bussâ il Crist di bessôl"
"beât chel che al po russâsi di bessôl"
"beât chel muart che al plûf sul so cuarp"
"beât il paron se il contadin al puarte il cjapiel in bande"
"beâts chei fîs che a àn lôr pari a cjadaldiaul"
"beâts i prins fûr che jù par la aghe"
"beâts i prins fûr che tes pachis"
"beâts i ultins se i prins a àn creance"
"Març sut, Avrîl bagnât, Mai temperât, beât chel che al varà semenât"
"tal paîs dai vuarps beât cui che al à un voli"
Torna in Cima