Hai cercato la parola
monolingue
Torna indietro

monolingue

bec s.m.
Carateristiche struture cornie de bocje dai uciei, e ancje di cierts retii e dai mamifars dal ordin dai Monotrems
esempi
"i ôcs ur zigavin di rassanâts, cul bec indenant, viert di fâ pôre"
da "I ôcs di Miute" di Maria Forte
"[il corvat] al veve une sgrife insanganade, insanganât il bec insin ai voi"
da "Il cjan blanc di Alturis" di Catarine Percude
bec s.m.
Uciel (fig.)
esempi
"soi stât dute la matine in oselade e no ai sintût un bec"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"[siôr Coleto a cjace] ce aial fat? Une folope: / se al à copât un bec, mi vegni un ton"
da "Si viaç la cjace..." di Pieri Mation
bec s.m.
Cualsisei struture o forme a ponte (fig.)
sinonimi
ponte, spiç, spice
esempi
"la glesie de Plêf cul soreli sui cops e vignive fûr tal mieç des cjasis di Cente, come une clocje cul bec dal cjampanili par aiar"
da "La aghe da pît la cleve" di Dino Virgili
bec s.m.
Molete sutile di metal par tignî in plee i cjavei
bec s.m.
[TS] (artes.) Imprest formât di un mani cuntune estremitât plache e pesante, par bati la tiere o pedrâts, salisâts e v.i.
sinonimi
becanele, peston, dame, tichetuche
proverbi
"a fâi ben al om ingrât, si reste bec e bastonât"
"cui che i fâs ben al om ingrât al reste bec e bastonât"
Torna in Cima