SuperDizionari

bielece s.f.
(bie-le-ce)

Cualitât astrate dal fat di plasê par vie dal aspiet, de forme

esemplis

""La nature mi fevele cul lengaç de sô bielece e jo, traviers lis sôs robis, o rivi ae inteligjence de divine perfezion". A son peraulis sôs [di Sant Agostin]"

gjavât fûr di "Amîs come prime" di Alan Brusini

"la bielece, la poesie, il misteri des fiestis di Nadâl"

gjavât fûr di "Il pignarûl" di Pieri Menis

"la claretât de aghe mi riclame la bielece origjinarie de creazion"

gjavât fûr di "Sant Jacum, là che al finìs il mont" di Antoni Beline

bielece s.f.
(bie-le-ce)

Aspiet, forme che e plâs, che e à valôr estetic

sinonims

biel

esemplis

"mi veve inmatît chê sô bielece mole, plene di lancûr"

gjavât fûr di "I forescj" di Alan Brusini, Gian Paolo Linda

"al jere impussibil spietâsi une creature plui interessante, sedi pe bielece sedi pe elegance"

gjavât fûr di "Friûl e furlans te Histoire de ma vie di Giacomo Casanova" di Pierluigi Visintin

"al jere ancje un biel zovin e si sa che la bielece no fâs mai dam a chel che le à"

gjavât fûr di "Il muc" di Roberto Ongaro

bielece s.f.
(bie-le-ce)

Alt valôr morâl

esemplis

"la bielece di une esistence vivude secont la leç dal Signôr"

gjavât fûr di "Otavari a Madone" di Meni Ucel

bielece s.f.
(bie-le-ce)

Persone o cjosse che e plâs pal so aspiet

sinonims

amôr, incjant, lusôr, magnificence, maravee, sflandôr

esemplis

"Marie e jere une bielece cu la muse spongjine e il voli clâr, un voli che al faseve insumiâ"

gjavât fûr di "Come tai romançs" di Alan Brusini

"ce bielece! In chê dì vin viodude a rivâ la prime cisile in cercje dal so nît"

gjavât fûr di "Fieste in famee" di Pieri Somede dai Marcs

"cheste Eline no jere chê che si dîs une bielece, e e veve i siei agns"

gjavât fûr di "Prioritâts" di Meni Ucel

bielece s.f.
(bie-le-ce)

Tant che apelatîf par une persone che si trate in maniere confidenziâl o che si vûl fâi un compliment, ancje fûr di lûc (pop.)

sinonims

biel, amôr, ninin, nini

esemplis

""Ce volêso, bielecis? A son i câs de vite""

gjavât fûr di "Prime di sere" di Carlo Sgorlon

bielece s.f.
(bie-le-ce)

Spec. tal pl., i aspiets plui biei e tipics, che a meretin di jessi visitâts, cognossûts, provâts e v.i.

sinonims

gracie, dote, cualitât

esemplis

"al varà mût ancje di viodi e di gjoldi lis bielecis dal puest"

gjavât fûr di "I forescj" di Alan Brusini, Gian Paolo Linda

"lis bielecis di une nature incontaminade e salvadie"

gjavât fûr di "Gnovis cine" di Fabian Ros

bielece s.f.
(bie-le-ce)

[CO] Piçule magle scure te piel,

esemplis

"la muse plene di bielecis"

gjavât fûr di "Pantianutis" di Checo Tam

monolengâl