SuperDizionari

gracie s.f.
(gra-ci-e)

Mût di fâ fin e zentîl

sinonims

creance, maniere, buinegracie, educazion, elegance, finece, delicatece, sest, zentilece, amabilitât, biel fâ, biel mût, cortesanie, cortesie, degnevolece, galantarie, garbature, rivuart

esemplis

"i doi zovins a calmarin la mame, le faserin sentâ doprant dute la gracie e lis tenarecis propriis dai fîs"

gjavât fûr di "La cjase di Toni" di Tarcisio Venuti

"e veve une gracie dute particolâr tal movisi, tal doprâ lis mans, tal fâ lis piçulis robis di ogni dì"

gjavât fûr di "Il sium di Lissandri" di Franca Mainardis

Viôt ancje: grazie

gracie inter.
(gra-ci-e)

Complès di caratars estetics fins e zentîi

sinonims

armonie, elegance, finece, delicatece, sest, zentilece

esemplis

"mi pareve che te sô inocence di aspiet, te sô gracie delicade, si platàs une sostance plui insidiose e sutile"

gjavât fûr di "Il dolfin" di Carlo Sgorlon

"braçolant chel fantulin e veve tante gracie e tant cjandôr intorsi [...], che a Matie i someà di vê li denant dai voi il simbul incjarnât de lôr felicitât "

gjavât fûr di "Sul agâr" di Pieri Menis

gracie s.f.
(gra-ci-e)

[BF] Tal pl., bielece fisiche o capacitât di seduzion, spec. di une femine

esemplis

"e tirave fûr lis sôs graciis plui plenis di strieç, ma Costantin subit si voltave di chê altre bande"

gjavât fûr di "Ombris tal infinît" di Carlo Sgorlon

gracie s.f.
(gra-ci-e)

Buine disposizion, benvolence

sinonims

afiet, amicizie, amistât, benvolence, buinegracie, favôr, simpatie

esemplis

"o crôt che al sedi stât chest particolâr a fâme jentrâ in gracie"

gjavât fûr di "Trê feminis" di Gianni Gregoricchio

gracie s.f.
(gra-ci-e)

Favôr particolâr

sinonims

favôr, plasê, cortesie

esemplis

"fasimi une gracie, za che tu vâs a fâ la compre, cjolimi il zucar"

gracie s.f.
(gra-ci-e)

At che al concêt in maniere straordenarie di no scontâ une pene o une sô part

sinonims

perdon, perdonance

esemplis

"il procès al fasarà 64 condanis, ma il re al darà la gracie, par finîle li"

gjavât fûr di "Il Risorziment a Martignà" di Elio Varutti

gracie s.f.
(gra-ci-e)

[TS] (teol.) Amôr di Diu che al jude la virtût e la salvece dai cristians

esemplis

"Crist, muart pai nestris pecjâts, al vûl dî che e je la gracie di Diu che e vinç la nestre tristerie"

gjavât fûr di "La Pasche" di Francesc Placerean

gracie inter., s.m.
(gra-ci-e)

Espression par pandi che si à plasê e ricognossince,

esemplis

"«Gracie, gracie… Tu mi jevis une crôs dal cûr» "

gjavât fûr di "La tiere di Lansing" di Maria Forte

"«No, no, gracie, che fin a ore di gustâ, no usi a cjoli nuie»"

gjavât fûr di "Cretevierte" di Roberto Ongaro

"nissun si è nancje insumiât di dînus un gracie"

gjavât fûr di "Lis nestris rosis" di Pieri Somede dai Marcs

monolengâl