Hai cercato la parola
monolingue
Torna indietro

monolingue

bolp s.f.
(zool.com.) Animâl salvadi de famee dai Canidis, lat. sient. Vulpes vulpes, cun cuarp snel, music spiçât, pêl rossit e blanc, orelis grandis e dretis e une code lungje e fisse, che al mangje spec. piçui mamifars e uciei
esempi
"si saveve che tal bosc, sù pe mont, e tes gleriis, di bolps a 'nd jere, ma di chês rabiosis no 'nt si veve mai sintût a mutivâ nancje un câs"
da "La rabie de bolp" di Renzo Balzan
"e vevin, nô, dôs gjalinutis, ma une nus e à portade vie la bolp"
da "Il miedi dai puers" di Bepo Marion
"a vivevin intun bosc une bolp e un lôf so compari"
da "La bolp e il lôf" di Luigi Gortani
Vedi anche: volp
bolp s.f.
La pelice di chel animâl
esempi
"te spolvarine cul so cuel di bolp"
da "Sistemâts" di Meni Ucel
bolp s.f.
In metaforis o paragons par dî di cdn. che al à tante inteligjence e furbetât (fig.)
sinonimi
dret, dreton, bolpat
esempi
"e jere une femine tracagnote, plui largje che alte, svelte come la bolp"
da "Mê agne Veroniche" di Tarcîs Muc
proverbi
"ancje lis bolps vielis si lis cjape"
"cuant che la bolp e predicje, voli a lis ocjis"
"cuant che lis bolps si consein, sierait il gjalinâr"
"cul plui bati la strade, la bolp si cjape tal fier"
"il jeur al vîf a jerbe, la bolp a gjalinis, e a son grues compagns"
"la bolp e à pôre de sô ombre"
"la bolp e lasse il pêl ma il vizi no"
"la bolp e mude il pêl ma il vizi mai"
"la bolp e piert il pêl ma no la piel"
"la bolp no fâs mai mâl là che e à la tane"
Torna in Cima