SuperDizionari

bordel s.m.
(bor-del)

Ambient, edifici, apartament e v.i. li che a son personis che si prostituissin

sinonims

cjase di apontaments, cjase di consolazion, cjase di tolerance, cjase sierade

esemplis

"a fasin il zîr des ostariis, di un bordel a van intun altri"

gjavât fûr di "A esmorga" di Fabian Ros

"mi cjatai a cressi intun bordel, a Once, cun mê mari e un trop di agnis adotivis"

gjavât fûr di "Gilda" di Guido Carrara

bordel s.m.
(bor-del)

Lûc o situazion dulà che e je une vore di confusion, di disordin e v.i. (fig.)

sinonims

babilonie, casin, mismàs, davoi, badaluc, cjadaldiaul, tananai, desio, disio, pastiel

esemplis

"e rivarà la solite slavinade di cjarte stampade sù pai mûrs e di cjacaronadis tai comizis. Mari sante benedete, ce bordel une altre volte!"

gjavât fûr di "Il strolic al pronostiche" di Josef Marchet

"la stanzie e jere pardabon un bordel"

bordel s.m.
(bor-del)

Cuantitât grande (pop.)

sinonims

barcje, casin, cjadaldiaul, disio, muestule, sglavin, sdrume, davoi

esemplis

"te place al jere un bordel di int"

monolengâl