Tu âs cirût la peraule
monolengâl
torne indaûr

monolengâl

cjadaldiaul s.m.
(cja-dal-diaul / cja-dal-di-a-ul)
Puest dulà che al sta il diaul, infier, ancje cence preposizion cun valôr locatîf
esemplis
"«Parcè varessio di vê pôre [di Diu]?» dissal «E po, ancje chei che a crodin no àn propit pôre di lui, ma dal cjadaldiaul [...]»"
gjavât fûr di "La tiere di Lansing" di Maria Forte
Viôt ancje: cjadaldiau, cjadeldiaul
cjadaldiaul s.m.
(cja-dal-diaul / cja-dal-di-a-ul)
Puest une vore lontan e isolât, ancje cence preposizion cun valôr locatîf o di adi.inv. (fig.)
esemplis
"lis dôs frutis, maridadis cuntune cierte presse, a jerin partidis une di ca, vonde dongje, e une di là, a cjadaldiaul"
gjavât fûr di "Aiar di cjase" di Franca Mainardis
"se savevi cussì no fasevi nancje davoni chei doi nuviei che o ai là sù a cjadaldiaul dongje il bosc"
gjavât fûr di "La ospitalitât" di Luigi Gortani
"i mascjos ju inviarin vie cjadaldiaul par dut altri che par lâ a cuistâsi in pâs un pagnut"
gjavât fûr di "La "Fieste dai Roncs"" di Meni Ucel
"culì ducj a van in puescj cjadaldiaul in biciclete"
gjavât fûr di "Migjee" di Laurin Zuan Nardin
cjadaldiaul s.f.
(cja-dal-diaul / cja-dal-di-a-ul)
Confusion grande, grant moviment e sunsûr disordenât di int o di robis (fig.)
sinonims
desio, disio, infier, messedot, mismàs, pastiel, sdavassum, sgjarnum, casin, confusion, daidai, ribalton, agjitazion, babilonie, balfuerie, badaluc, batibui, birdel, confusie, tananai, tibidoi, tirepare, tireparemessede, mulin
esemplis
"dute une rivoluzion, dut un taramot, [...] un cjadaldiaul discjadenât, un montafin"
gjavât fûr di "Il cancar" di Josef Marchet
"in mancul che si sta a dîlu, al nas un cjadaldiaul e un clamâsi, e dut ator un vuacâ di cjans peâts aes cjadenis"
gjavât fûr di "Doro" di Pieri Menis
cjadaldiaul s.m.
(cja-dal-diaul / cja-dal-di-a-ul)
Cun valôr gjeneric, riferît a cualsisei robe negative (fig.)
sinonims
osti
esemplis
"cenonè, no mi sintio plombâ a bot plen su la schene un cjadaldiaul e o tomboli par tiere"
gjavât fûr di "Storie di Min" di Ivano Urli
detulis
"a preâ e altri ben no fâ, a cjadaldiaul no si fâs di mancul di lâ"
"beâts chei fîs che a àn lôr pari a cjadaldiaul"
"di bogns proponiments al è plen cjadaldiaul"
"di buine volontât al è plen cjadaldiaul"
"il selino e i savôrs a van cincuante dîs a cjadaldiaul prin di nassi"
torne sù