SuperDizionari

brigade s.f.
(bri-ga-de)

(milit.) Unitât tatiche formade di plui reziments e bataions, ancje di armis diviersis

esemplis

"il nestri Comun al someave dut une caserme. A si jere logade la brigade Marche, mostrinis blu e blancjis"

gjavât fûr di "Sul prât Soreli" di Pieri Somede dai Marcs

Viôt ancje: briade

brigade s.f.
(bri-ga-de)

Unitât des fuarcis dal ordin cuntune funzion specifiche

sinonims

grup, scuadre, unitât

esemplis

"adun cul poliziot al jere un tâl, in borghês, lunc e sec. Nol tignì a ments il non, ma dome il fat che al jere comissari de brigade criminâl"

gjavât fûr di "Un piçul particolâr" di Fabian Ros

brigade s.f.
(bri-ga-de)

Grup armât organizât, ma ancje no incuadrât intun esercit regolâr, ancje cun fin teroristic, eversîf e v.i.

esemplis

"e zirave une pueste di scuindon par mans dai corîrs partigjans de brigade Garibaldi"

gjavât fûr di "Storie di Min" di Ivano Urli

brigade s.f.
(bri-ga-de)

Grup di personis, soedut se si cjatin insiemi par dâsi bon timp

sinonims

compagnie

esemplis

"o restai confondût de improvisade, / e intrigât sul moment / di presentâ ae brigade / un rinfresc convenient"

gjavât fûr di "Il rinfresc" di Pieri Çorut

monolengâl