SuperDizionari

brusâsi v.pron.intr.
(bru-sâ-si)

Jessi cjapât dal fûc

sinonimi

ardi, brusâ

esempi

"al jere fûc. Une cjase si brusave e il sflandôr signestri al trimave par aiar fintremai tai balcons de Cleve"

da "La aghe da pît la cleve" di Dino Virgili

"a no è justa, no, che dut a vedi di brusâsi e sparî ta chistu puôr paîs cristian"

da "I Turcs tal Friûl" di Pier Paolo Pasolini

"il midili al oleve dret, fuart, vert, di no ardi denant che a finissin di brusâsi lis fratis"

da "Pignarûi di une volte" di Meni Ucel

brusâsi v.pron.intr.
(bru-sâ-si)

Dal mangjâ, ruvinâsi par vie dal stâ masse sul fûc, dal cuei masse

esempi

"tu intant ten a ments il tocj che no si brusi"

da "Sacheburache" di Zuan Nazzi Matalon, Ottorino Burelli

brusâsi v.pron.
(bru-sâ-si)

Di une lampadine o di un dispositîf eletric, no funzionâ plui par vie dal fruiâsi e dal rompisi de resistence o di cualchi circuit che a rivin a une temperadure masse alte

esempi

"o varai di meti a puest chel maledet implant eletric parcè che, viodistu, cjâr Oglala, cuant che o sistemi i fîi a son simpri che si brusin"

da "Random 1" di Checo Tam

"[la lûs] za flapute di sio a zeve e vignive e las lampadines ai si brusave"

da "Fiat lux..." di Gianni Colledani

brusâsi v.pron.intr.
(bru-sâ-si)

Cjapâ une scotade, pal fûc, par alc une vore cjalt o ancje par stâ tal soreli

sinonimi

ustionâsi, scotâsi

esempi

"no mi va di lâ a lis Canariis o a Ibiza, a brusâmi tal savalon"

da "La maree nere" di Checo Tam

brusâsi v.pron.intr.
(bru-sâ-si)

Secjâsi par vie dal cjalt o dal frêt

sinonimi

secjâsi

esempi

"cuvierzi lis plantis par che no si brusin cu la zulugne"

monolingue