SuperDizionari

bulo adi., s.m.
(bu-lo)

Che, cui che al à di ande presuntuose e prepotente, che al vûl jessi parsore di chei altris e in câs ancje ju maltrate (pop.)

sinonimi

bravaç, fanfaron, fuflon, galup, sbregot, spacon, smafar, baron di place, machefier, smargnàs, smargnasson

esempi

"no stâ vê iniment il vueli, che al sarà propit chel che cualchidun ti rinfaçarà; chel di riç, che tu e i tiei bulos o lavis a dâ intai prins agns dal Fassio"

da "Il muc" di Roberto Ongaro

"il bulo al rivà adore a molâi dome un colp, parcè che l'om lu veve brincât pe vite"

da "Prime di sere" di Carlo Sgorlon

bulo adi., s.m.
(bu-lo)

Che, cui che si met in mostre, che si svante (pop.)

sinonimi

braurôs, braurin

esempi

"al lave sù e jù pes stradis fasint il bulo, vuidant cuntune man sole e, se cualchi frutat i domandave di provâ, lui i rideve e lu contentave"

da "Cjase di Dalban" di Maria Forte

bulo adi., s.m.
(bu-lo)

Che, cui che si fide une vore des sôs capacitâts, che al à un alt concet di se stes (pop.)

sinonimi

babio, sigûr, fidançôs

esempi

"cumò sì che mi sint bulo, bon di cuistâmi ce che mi jeri prometût"

da "I forescj" di Alan Brusini

bulo adi., s.m.
(bu-lo)

Che, cui che al è une vore brâf in alc o che al à tant merit (pop.)

sinonimi

babio, brâf, bon

esempi

"al jere bulo che mai in fat di conts"

da "Pre Pitin" di Antoni Beline

"il vescul ur dîs che a son bulos a fâ tante strade par viodi il Pape"

da "Amîs come prime" di Alan Brusini

"che al no si avilissi: in fonts al è stât bulo e al à fat un biel lavôr"

da "Ah! la provincie" di Sandri Di Suald

monolingue