SuperDizionari

burî fûr loc.v.

[CO] (venat.) Fâ svolâ sù i uciei o fâ vignî fûr bestiis che a son platadis di maniere che il cjaçadôr al puedi traiur

sinonimi

discoviglî, burî

esempi

"a tornarin tes gjavis di torbe, e il cjan al parà fûr il jeur. Ricardo lu viodè che al scjampave te sorghete restade da pît di un cjamp di blave. Il cûr i de un bot. Po il cjan lu burì fûr e lu scorsà traviers lis cumieris dal cjamp. Eliseo al traè"

da "Prime di sere" di Carlo Sgorlon

burî fûr loc.v.

Rivâ a cjatâ

sinonimi

cjatâ fûr

esempi

"[a Vignesie] ne un mus ne un cjaval no si lu rive a burî fûr, nancje a paiâlu tant aur che al pese"

da "Gjats spiritâts" di Giovanni Gortani

"ce si vevie di burî fûr di miôr par fânus capitâ la sium e cori sù plui svelts a platâsi disot da plete se no cualchi sflocje ancje di chês di une volte?"

da "No je plui vive" di Dolfo Zorzut

burî fûr loc.v.

Vignî fûr

sinonimi

vignî fûr, saltâ fûr

esempi

"il risultât plui clâr al burì fûr di un grup di studiôs americans"

da "Il cjâf dai furlans" di Franc Fari

monolingue