SuperDizionari

burî v.tr.
(bu-rî)

[TS] (venat.) Cjatâ une bestie cuant che si è a cjace e fâ in maniere che e svoli o che e cori tal viert, in maniere che il cjaçadôr al puedi trai

sinonimi

discoviglî

esempi

"discorevin del jeur, duncje, chê sere: / "Ise nancie scalogne? No sei siôrs / di burîlu une volte!""

da "Il jeur" di Enrico Fruch

Vedi anche: sburî

burî v.tr.
(bu-rî)

Rivâ a cjatâ (fig.)

sinonimi

cjatâ, cjatâ fûr

esempi

"Lanzin al fevelave a bugadis, sfuarçât, al stentave a burî la peraule"

da "La aghe da pît la cleve" di Dino Virgili

"Eliseo al viodeve lis culinis e i boscs di Buie e di Sant Denêl, e al burive dentri di se un grum di particolârs di chei paîs che i pareve di vê dismenteâts"

da "Prime di sere" di Carlo Sgorlon

burî v.tr.
(bu-rî)

Fâ vignî fûr in sens larc, ancje fâ cognossi, fâ capî, publicâ e v.i. (fig.)

esempi

"o ai tra lis mans i trê libruts de “Golaine teatri” burîts di pôc de SFF"

da "Storie e cronistorie dal teatri in Friûl" di Bepi Agostinis

burî v.intr.
(bu-rî)

Lâ svelt, movisi in presse

esempi

"a vignevin four cu la marcansia tai braçs e a traviersavin burint la plaça par rivâ a cjasa denant da fâi gola a cualchidun âtri"

da "Micjeil di Citia" di Novella Cantarutti

monolingue