Hai cercato la parola
monolingue
Torna indietro

monolingue

burlaç s.m.
(bur-laç)
Manifestazion atmosferiche cun precipitazions e aiar une vore fuart
sinonimi
bissebove, bovadice, burascjade, codebuie, rogan, seon, sgoif, straleche, stravint, tristimp, rogant
esempi
"tirait dongje i fens che vuê si distache un brut burlaç"
da "La tiere di Lansing" di Maria Forte
"il burlaç al coreve come une magne vosant dal mâr aes montagnis e si ribaltave su la tiere di fâle tremâ"
da "Par stradis lungjis" di Alan Brusini
"Zuan al jere il vêr sapient dal timp. O vuei dî dal tristimp, dal burlaç, dal stravint, dal tulmignon, de bovadice, de codeboie. Un mestri tal sintî prime di ducj la burascjade, tal nasâ la tampieste"
da "La rive di Sant Pieri" di Maria Forte
burlaç s.m.
(bur-laç)
Situazion di contrast fuart, barufe violente (fig.)
sinonimi
barufe, montafin
esempi
"e someave une robe di passaç, un burlaç come ducj, ma invezit se veve segnade daûr de orele. Di in chê dì no mi à mai dit une peraule, ni a gustâ ni a cene, ni in glesie ni fûr"
da "Pre Pitin" di Antoni Beline
burlaç s.m.
(bur-laç)
Cundizion o situazion dificile o pericolose (fig.)
esempi
"no ducj chei siôrs aquileiês che a jerin scjampâts là jù [a Grau], a tornarin indaûr dopo passât il burlaç [la invasion dai Uns di Atile]"
da "Cuintristorie dal Friûl fin sot la Italie" di Josef Marchet
"l'an passât si sintive ancjemò la clime dal dopovuere: robariis ogni gnot, cualchi sclop di revolvar o di sten dibot ogni sere [...]. Cumò al pâr istès che il burlaç si sei un fregul dislontanât: si fâs un passut a la volte"
da "Lis predicjis dal muini" di Josef Marchet
burlaç s.m.
(bur-laç)
Savoltament psicologjic e morâl (fig.)
sinonimi
messedament, mulin, rivoltament, savoltament, conturbie
esempi
"te lôr anime dome burlaç; massime in chê dal vieli, scjassade di chê gnove cence misure [che il fi al ves copade une femine]"
da "La gnot di Radeschi" di Maria Forte
proverbi
"daspò dal burlaç al ven il soreli"
"ogni maridaç il so burlaç"
Torna in Cima