Tu âs cirût la peraule
monolengâl
torne indaûr

monolengâl

butâ fûr loc.v.
Dâ un impuls a alc e molâlu in maniere che al svoli o che al coli fûr di un puest
esemplis
"dut il borc al jere in strade a viodi e sintî il biât Tilio che al disvuedave la cjase, butant fûr pai barcons dut ce che i vignive tes mans"
gjavât fûr di "Il fi de Rosse" di Pieri Menis
butâ fûr loc.v.
Mandâ vie, ancje cu la fuarce
sinonims
parâ fûr
esemplis
"al cjape di gnûf Meni pal stomi, lu strissine e lu bute fûr de puarte"
gjavât fûr di "Vilie di Nadâl" di Pieri Somede dai Marcs
butâ fûr loc.v.
Gjavâsi vie alc che si à intor, soredut a la svelte
sinonims
butâ vie
esemplis
"cussì disintji e butà fûr i çucui, e sù a volop pe scjale"
gjavât fûr di "La fuiace de Madone" di Catarine Percude
butâ fûr loc.v.
Spudâ fûr pe bocje ce che si veve tal stomi (ancje ass.)
sinonims
gomitâ, rindi, fâ i purcituts, fâ stomi, restituî, rimeti, rindi fûr, dâ fûr
esemplis
""O ai vût mâl", al trabascjà Pieri, "o ai butât fûr, o ai mangjât vadì masse a la svelte, e il cjalt al à di vêmi fat reazion…""
gjavât fûr di "Tal ospedâl" di Amedeo Giacomini
"puar Galiano: al veve butât fûr la cene daspò vê viodût chel om fat a tocs"
gjavât fûr di "Sense" di Checo Tam
butâ fûr loc.v.
Dâ bêçs o alc che si à di proprietât
sinonims
spiçâ fûr, dâ, paiâ, spudâ
esemplis
"«Compania! fêt la dota pal frut che nassarà!» E ducj butavin fûr un talar"
gjavât fûr di "Gnossis gurissanis" di Ranieri Mario Cossâr
"i secjave butâ fûr chês cjartis di mil, ma nol jere nuie di fâ"
gjavât fûr di "Prime di sere" di Carlo Sgorlon
butâ fûr loc.v.
Gjavâ vie une plante o alc che al è implantât par tiere
sinonims
displantâ
esemplis
"Matie nol pierdè timp par scomençâ i lavôrs te vecje braide dai Moràs. Butâ fûr vîts strachis incandidis, morârs scrodeâts plens di muscli, cjastinârs che sui prâts a vevin masse slargjât çocje e cise"
gjavât fûr di "Sul agâr" di Pieri Menis
"chest Unvier che al ven butarìn fûr ancje chei sterps e dopo la nestre tiere e sarà dute a puest"
gjavât fûr di "Resurezion a Pontinie" di Pieri Somede dai Marcs
"al veve fat butâ fûr il Crist che al jere sul cjanton"
gjavât fûr di "La int" di Pieri Menis
butâ fûr loc.v.
Produsi e slargjâ une sostance o sunôr, calôr, lûs o une cualsisei emission
sinonims
mandâ fûr
esemplis
"vie pal dì i mûrs e lis cjasis si imbombivin di soreli e la sere a butavin fûr il calôr ingrumât in dute la zornade"
gjavât fûr di "Lilie" di Gianni Gregoricchio
"lis besteutis a butavin fûr une sostanzie verduline"
gjavât fûr di "Sense" di Checo Tam
butâ fûr loc.v.
Di une plante, fâ cressi une sô part
sinonims
dâ fûr, menâ
esemplis
"nte gnot di sant Zuan il cocolâr di Morùs al bute fûr lis fueis e al inmanee lis coculis"
gjavât fûr di "La rosade di sant Zuan" di Catarine Percude
"il forment al scomençave a butâ fûr la crestute"
gjavât fûr di "Îr e doman" di Gianni Gregoricchio
butâ fûr loc.v.
Slungjâ infûr o di une cierte bande une part dal cuarp
esemplis
"al veve spalancâts i veris, dut mufôs e in cjamese di gnot. Al veve butât fûr il cjâf sgardufât a cucâ il cîl che al imprometeve ploie"
gjavât fûr di "Pollione Magrini" di Gianni Gregoricchio
butâ fûr loc.v.
Dî, in sens gjeneric o in maniere sute, clare o ancje secje, ruspie e v.i.
sinonims
dî fûr
esemplis
"i conseîrs si concentrarin un moment, e dopo a scomençarin a butâ fûr lis lôr propuestis, a tamesâlis, a voltâlis"
gjavât fûr di "Il tor di Mueç" di Luigi Gortani
"la Pevarone di là e à cjatât il cantin che il gno cjan i à folpeât il lidric, par butâ fûr un rosari di malis peraulis cuintri di me"
gjavât fûr di "Varc di confin" di Maria Forte
butâ fûr loc.
Fâ in velocitât alc che al meretarès plui timp
sinonims
spaçâ, distrigâ, disbratâ
esemplis
"o ai za butât fûr mieç lavôr de zornade in ufici"
gjavât fûr di "Culumiis" di Meni Ucel
butâ fûr loc.v.
Fâ vignî fûr une publicazion
esemplis
"butâ fûr magari un sfuei periodic"
gjavât fûr di "Contâ Zahre" di Renzo Balzan
"cu la "Clape culturâl Acuilee", tal 1993, o ai butât fûr "Gimnasi e amôr", che al è un romanç curt"
gjavât fûr di "La scomesse de lenghe comune" di Luche Nazzi
torne sù