Hai cercato la parola
monolingue
Torna indietro

monolingue

butâ fûr loc.v.
Dâ un impuls a alc e molâlu in maniere che al svoli o che al coli fûr di un puest
esempi
"dut il borc al jere in strade a viodi e sintî il biât Tilio che al disvuedave la cjase, butant fûr pai barcons dut ce che i vignive tes mans"
da "Il fi de Rosse" di Pieri Menis
butâ fûr loc.v.
Mandâ vie, ancje cu la fuarce
sinonimi
parâ fûr
esempi
"al cjape di gnûf Meni pal stomi, lu strissine e lu bute fûr de puarte"
da "Vilie di Nadâl" di Pieri Somede dai Marcs
butâ fûr loc.v.
Gjavâsi vie alc che si à intor, soredut a la svelte
sinonimi
butâ vie
esempi
"cussì disintji e butà fûr i çucui, e sù a volop pe scjale"
da "La fuiace de Madone" di Catarine Percude
butâ fûr loc.v.
Spudâ fûr pe bocje ce che si veve tal stomi (ancje ass.)
sinonimi
gomitâ, rindi, fâ i purcituts, fâ stomi, restituî, rimeti, rindi fûr, dâ fûr
esempi
""O ai vût mâl", al trabascjà Pieri, "o ai butât fûr, o ai mangjât vadì masse a la svelte, e il cjalt al à di vêmi fat reazion…""
da "Tal ospedâl" di Amedeo Giacomini
"puar Galiano: al veve butât fûr la cene daspò vê viodût chel om fat a tocs"
da "Sense" di Checo Tam
butâ fûr loc.v.
Dâ bêçs o alc che si à di proprietât
sinonimi
spiçâ fûr, dâ, paiâ, spudâ
esempi
"«Compania! fêt la dota pal frut che nassarà!» E ducj butavin fûr un talar"
da "Gnossis gurissanis" di Ranieri Mario Cossâr
"i secjave butâ fûr chês cjartis di mil, ma nol jere nuie di fâ"
da "Prime di sere" di Carlo Sgorlon
butâ fûr loc.v.
Gjavâ vie une plante o alc che al è implantât par tiere
sinonimi
displantâ
esempi
"Matie nol pierdè timp par scomençâ i lavôrs te vecje braide dai Moràs. Butâ fûr vîts strachis incandidis, morârs scrodeâts plens di muscli, cjastinârs che sui prâts a vevin masse slargjât çocje e cise"
da "Sul agâr" di Pieri Menis
"chest Unvier che al ven butarìn fûr ancje chei sterps e dopo la nestre tiere e sarà dute a puest"
da "Resurezion a Pontinie" di Pieri Somede dai Marcs
"al veve fat butâ fûr il Crist che al jere sul cjanton"
da "La int" di Pieri Menis
butâ fûr loc.v.
Produsi e slargjâ une sostance o sunôr, calôr, lûs o une cualsisei emission
sinonimi
mandâ fûr
esempi
"vie pal dì i mûrs e lis cjasis si imbombivin di soreli e la sere a butavin fûr il calôr ingrumât in dute la zornade"
da "Lilie" di Gianni Gregoricchio
"lis besteutis a butavin fûr une sostanzie verduline"
da "Sense" di Checo Tam
butâ fûr loc.v.
Di une plante, fâ cressi une sô part
sinonimi
dâ fûr, menâ
esempi
"nte gnot di sant Zuan il cocolâr di Morùs al bute fûr lis fueis e al inmanee lis coculis"
da "La rosade di sant Zuan" di Catarine Percude
"il forment al scomençave a butâ fûr la crestute"
da "Îr e doman" di Gianni Gregoricchio
butâ fûr loc.v.
Slungjâ infûr o di une cierte bande une part dal cuarp
esempi
"al veve spalancâts i veris, dut mufôs e in cjamese di gnot. Al veve butât fûr il cjâf sgardufât a cucâ il cîl che al imprometeve ploie"
da "Pollione Magrini" di Gianni Gregoricchio
butâ fûr loc.v.
Dî, in sens gjeneric o in maniere sute, clare o ancje secje, ruspie e v.i.
sinonimi
dî fûr
esempi
"i conseîrs si concentrarin un moment, e dopo a scomençarin a butâ fûr lis lôr propuestis, a tamesâlis, a voltâlis"
da "Il tor di Mueç" di Luigi Gortani
"la Pevarone di là e à cjatât il cantin che il gno cjan i à folpeât il lidric, par butâ fûr un rosari di malis peraulis cuintri di me"
da "Varc di confin" di Maria Forte
butâ fûr loc.
Fâ in velocitât alc che al meretarès plui timp
sinonimi
spaçâ, distrigâ, disbratâ
esempi
"o ai za butât fûr mieç lavôr de zornade in ufici"
da "Culumiis" di Meni Ucel
butâ fûr loc.v.
Fâ vignî fûr une publicazion
esempi
"butâ fûr magari un sfuei periodic"
da "Contâ Zahre" di Renzo Balzan
"cu la "Clape culturâl Acuilee", tal 1993, o ai butât fûr "Gimnasi e amôr", che al è un romanç curt"
da "La scomesse de lenghe comune" di Luche Nazzi
Torna in Cima