Hai cercato la parola
monolingue
Torna indietro

monolingue

butâ jù loc.v.
Fâ colâ (ancje fig.)
esempi
" si butà sul cjâf un façoletat e un grumâl intor de panze, e vie sul toblât a butâ jù il fen pes sôs bestiis"
da "Il fi de Rosse" di Pieri Menis
"il Micul al finì par tiere, butât jù di un sganaf"
da "Il Bulo di Crodio" di Maria Forte
butâ jù loc.v.
Cun tant che obiet une monture o alc di simbolic di une cariere, di une profession, di une ativitât, molâ chê cariere, chê profession, chê ativitât
esempi
"par un an al puartà tonie di cleric e al fasè il zagut in glesie cuntune ande sostignude di santuçat. Po al butà jù la tonie e al tornà in bregons a saltâ, a zuiâ e a robâ pomis tai bearçs, cu la masanade dai fruts"
da "I arcs" di Maria Forte
butâ jù loc.v.
[TS] (zûcs) Meti su la taule une cjarte di zûc
sinonimi
meti jù, zuiâ
esempi
"a ogni cjarte che al butave jù l'om che i stave denant, Eliseo al cirive di pensâ cemût che al varès zuiât lui"
da "Prime di sere" di Carlo Sgorlon
butâ jù loc.v.
[TS] (artes.) Tal lengaç dai fornasîrs, meti a suiâ il modon a pene stampât
esempi
"«Môf chel poleâr, gnogno! Sêstu indurmidît?» [...] «Tu podevis lâ predi, se no ti smeche di cori. Vie! E sta atent di butâ jù ben e dret!»"
da "La scuele dai fornasîrs" di Pieri Menis
"i mulats si scanavin a butâ jù e tirâ placis di modons"
da "La aghe da pît la cleve" di Dino Virgili
butâ jù loc.v.
Sierâ une comunicazion telefoniche a sec, ancje cun male creance (coloc.)
sinonimi
sierâ, meti jù
esempi
""Ce volevino?" "No sai, a jerin chei de publicitât e o ai butât jù""
butâ jù loc.v.
Gloti
sinonimi
parâ jù, gloti, mandâ jù
esempi
"Justin al veve butât jù un tai sence nancje tirâ flât"
da "Îr e doman" di Gianni Gregoricchio
"o ai butât jù chel got di te che al restave"
da "Il cop" di Laurin Zuan Nardin
butâ jù loc.v.
Meti intun stât di depression, di aviliment (fig.)
sinonimi
discunî, nichilî, scunî, disfâ, avilî, abati
esempi
""Tu sì invezi tu sês ben. Tu no tu ti lassis butâ jù come me." "Par difûr no si pues viodi ce che un al à didentri" e al veve come une sfumadure di dûl te vôs"
da "Fûr di timp" di Jolanda Mazzon
"une robe dal gjenar ise une robe che e à di butânus jù, ise une robe che e à di avilînus?"
da "In non di Diu scomençait!" di Francesc Placerean
butâ jù loc.v.
Fâ deventâ plui debil, mandâ in piês lis cundizions di salût (fig.)
esempi
"jo le ai za vude e tu procure di no cjapâle, e je dome une influence però ti bute jù"
da "Cungjò Friûl" di Jolanda Mazzon
butâ jù loc.v.
Scrivi, dissegnâ o rapresentâ su la cjarte o su altris materiâi
sinonimi
scrivi
esempi
"butâ jù su chestis puaris cjartis, propit cumò, lis impressions nol è pussibil"
da "Viaç a Vignesie" di Arturo Feruglio
"e butà jù, in presse, une letare par Zuan"
da "La tiere di Lansing" di Maria Forte
""Cun jê e sta ancje une fie, la plui zovine dai fradis. Mah! Al semee che e buti jù i modei di vistîts par une sartore [...]""
da "Îr e doman" di Gianni Gregoricchio
butâ jù loc.v.
Fâ lâ jù di cuantitât, cualitât, intensitât e v.i.
sinonimi
calâ, sbassâ
esempi
"si scuen butâ jù i chilos di masse cuntune diete cun pocjis caloriis"
da "Curâ il diabete" di Guglielmo Pitzalis
"no veve fiere, che la veve butade jù cu lis midisinis, ma i balavin i voi e i clopavin i zenoi"
da "Di là de rêt" di Jolanda Mazzon
butâ jù loc.v.
Someâ plui zovin di un ciert numar di agns
esempi
""Cence barbe tu butis jù dîs agns, ma tu butis jù propit chei miôrs e no tu mi plasis plui""
da "Zûcs di Istât" di Agnul di Spere
proverbi
"chê che no ame lis rosis, e je une cjase di butâ jù"
"cuant che no 'nd è sul stali, no si po butâ jù pal golâr"
"cui che i insegne al mus a butâ jù il sac e a mangjâ la farine si ridûs a dovê lâ a mulin bessôl"
"cui che nol vûl vê ostarie che al buti jù la frascje"
"la vacje dal bon bovâr e bute jù il pêl il mês di Zenâr"
Torna in Cima