SuperDizionari

monolengâl

gloti v.tr.
(glo-ti)

Mandâ jù tal stomi ce che si à in bocje

sinonims

butâ jù, cjapâ, cjoli, glanzî, ingloti, mandà jù, parâ jù

esemplis

"al bevè un cop di aghe e il grop dal cuel i lave sù e jù tal gloti"

gjavât fûr di "La aghe da pît la cleve" di Dino Virgili

"e glot che ti glot, une butilie e jere za lade jù pal gargat cence visâsi "

gjavât fûr di "Doi pizighets e un lari" di Pieri Menis

Viôt ancje: glutî

gloti v.tr.
(glo-ti)

Stratignî une reazion (fig.)

sinonims

butâ jù, mandâ jù, parâ jù, sopuartâ, stratignî, tignî dentri

esemplis

"il cjapitani al jere jessût glotint lis blestemis che al veve in bocje"

gjavât fûr di "Salvans su la Bivare" di Carli Pup

"se e pense ae mame [...] no rive a gloti lis lagrimis che i travanin i voi"

gjavât fûr di "Storie di Vera" di Ivano Urli

gloti v.tr.
(glo-ti)

Acetâ, crodi a alc che al è fals, bausâr, fat par imbroiâ e v.i.

esemplis

"sâstu ce ben che mi è lade? Le à glotude li par li, e inmò content. Cussì, par domenie, mi diliberi de incariche"

gjavât fûr di "Il muc" di Roberto Ongaro

"lis cjacaradis otimistichis, che si fasin vuê daûr lis declarazions dal guvier nissun lis glot"

gjavât fûr di "Il pietin e il grop" di Josef Marchet

gloti v.tr.
(glo-ti)

Ancje di elements inanimâts, tirâ jù, tirâ dentri fin a fâ sparî (fig.)

sinonims

ingloti, subissâ, cjapâ dentri, cjapâ sot

esemplis

"e jere come une cortine di nêf, come un univiers che al someave gloti il mio univiers"

gjavât fûr di "Sense" di Checo Tam

"une volte o chê altre e vignarà une scosse [di taramot], ma une scosse di sdrumâ jù dut, di vierzi la tiere, di gloti il paîs"

gjavât fûr di "Par stradis lungjis" di Alan Brusini

"al zeva via ridint che a pareva che al ves da strenzi il mont tai braçs e invessi a sa lu glutì la guera in Albania"

gjavât fûr di "Il gorc di Grimau" di Novella Cantarutti

detulis

"no si à di tirâ flât e gloti che e va pe scjavace"

"no si po gloti amâr e spudâ dolç"

"une femine ur fâs gloti clauts ai oms"

torne sù