Al indiche complement di lûc, soredut prime di nons di persone, pronons personâi, personis e bestiis, soredut par indicâ une cjase, une proprietât, un ufici, une buteghe e v.i.
esempi
"finalmentri i erêts, par dividi cuatri cjamps e un segnâl di cjase mieze dirocade, a son vignûts ca di me par firmâ il contrat di division"
da "Par la firme di un contrat" di Pieri Somede dai Marcs
"«Parcè varessial di lâ vie? Al sta pûr ben ca di nô…»"
da "Prime di sere" di Carlo Sgorlon
"la none Catine mi menave cun se ca dai Pascuts"
da "Trê feminis" di Gianni Gregoricchio