Hai cercato la parola
monolingue
Torna indietro

monolingue

calcolâ v.tr.
(cal-co-lâ)
Cjatâ un valôr o un complès di valôrs cuntun cont matematic
sinonimi
misurâ, contâ, contizâ
esempi
"calcolâ la altece savint la base e il perimetri di un triangul"
"calcolâ lis probabilitâts"
"il numar dai conseîrs regjonâi al è calcolât in mût di vênt un ogni 20 mil abitants"
da "Statût Speciâl de Regjon Autonome Friûl-Vignesie Julie" di Aministrazion Publiche
"a la fin dal mês al calcolave di vê vuadagnât sù par jù novante cjartis di mil"
da "Prime di sere" di Carlo Sgorlon
calcolâ v.intr.
(cal-co-lâ)
Fâ conts (ass.)
sinonimi
contâ, contizâ, fâ calcui, fâ calcul, fâ conts
esempi
"in classe al è compit di matematiche, ducj i fruts a son sot a calcolâ"
calcolâ v.tr.
(cal-co-lâ)
Cjapâ in considerazion intun cont
sinonimi
cjapâ dentri, contizâ, tignî, contâ, meti
esempi
"puedio calcolâti fra chei che a saran ae cene?"
calcolâ v.tr.
(cal-co-lâ)
Vê intune cierte considerazion, valutâ intune cierte maniere
sinonimi
considerâ, stimâ, tignî
esempi
"ducj lu calcolin une persone oneste"
"la prospetive federaliste europeane e ven calcolade la uniche in stât di dâ une soluzion a chei che a vegnin clamâts i «problemis des piçulis nazionalitâts»"
da "Corsiche, Scozie, paîs Basc, Catalogne, Friûl... Europe" di Marc Stolf
"pecjât nome che, cul mont che al cor, il scudet de onestât nol sei calcolât une palanche"
da "Il scudet te sachete" di Riedo Pup
"une insurezion che e ven calcolade la plui impuartante de Rinassince intes tieris che vuê a son dentri dal stât talian"
da "Il Friûl de Joibe Grasse dal 1511" di Carli Pup
calcolâ v.tr.
(cal-co-lâ)
Vê stime, vê in buine considerazion
sinonimi
preseâ, considerâ, stimâ
esempi
"al è un grant espert, ducj lu calcolin une vore"
"al è dificil di vê sodisfazions a lavorâ tal mieç di int che no ti calcole"
"in citât no tu podarâs vê amîs e nancje feminis, parcè che culà vie o che ti sfrutin pai tiei bêçs o che nancje no ti calcolin"
da "Ricuarts e inlusions" di Enrico Martina
calcolâ v.tr.
(cal-co-lâ)
Vê tal cjâf, tignî a ments
sinonimi
tignî cont, viodi, pensâ, considerâ
esempi
"calcole che se tu spindis ducj i bêçs in stupidagjinis dopo no to restaran par robis impuartantis"
"la anime e cjante ancje jenfri lis piçulis cjossis di ogni dì, che nancje no si calcolilis co si è tal mieç di lôr"
da "La aghe da pît la cleve" di Dino Virgili
calcolâ v.tr.
(cal-co-lâ)
Previodi
sinonimi
considerâ, contâ, pensâ, previodi, scrupulâ
esempi
"o calcoli di rivâ a cjase par ore di gustâ, ma se no cumbini ti visi"
"si à di calcolâ une vore ben chês che a podaressin jessi lis consecuencis de nestre mosse"
da "Zuìn di scacs" di Nilde Teresa Negro
Torna in Cima