SuperDizionari

monolingue

carûl s.m.
(ca-rûl)

Piçul inset de famee dai Anobidis che al fâs busis tal len

esempi

"dopo vêle lavade ben e no mâl [une panarie], e stropât lis busis dai carûi cul stuc, le slicà cu la cjarte di veri e i de di lustrifin"

da "Prime di sere" di Carlo Sgorlon

"ogni tant si fermave tal mieç dal discors, e in chei jenfris, cundut che il fogolâr al fos plen di int, si podevin sintî a crugnâ i carûi disore, tes cjamaris"

da "Il sunsûr" di Meni Ucel

carûl s.m.
(ca-rûl)

Idee, suspiet, sensazion e v.i. che e tormente di un continui (fig.)

sinonimi

asei, claut, fastidi, pinsîr, scrupul, torment, cruzi

esempi

"a jerin stâts i voi di chel om, cuant che lu vevin cjalât, a metii chel dubi e lis sôs peraulis calmis, ancje denant de muart, a impastanâi il carûl dal rimuars"

da "Il muc" di Roberto Ongaro

"nol jere di sigûr vêr, ma il carûl dal dubi mi roseave parentri"

da "I forescj" di Alan Brusini, Gian Paolo Linda

carûl s.m.
(ca-rûl)

Difiet dal fisic, dal pinsîr, dal spirt e v.i. (fig.)

sinonimi

mende, bau, difiet, vier, magagne, pecje, tare

esempi

"chel banducel di gno zinar, che al à di vê trentevot carûi tal cerviel, ce si impensial di fâ?"

da "Lis predicjis dal muini" di Josef Marchet

proverbi

"ogni len il so carûl"

Torna in Cima