Hai cercato la parola
monolingue
Torna indietro

monolingue

caritât s.f.
(ca-ri-tât)
[TS] (teol.) Spec. cun iniz. maiusc., une des trê virtûts teologâls, amôr che al met adun i oms cun Diu e i oms tra di lôr midiant di Diu
sinonimi
amôr
esempi
"Paulin di Aquilee, intun famôs imni, al dîs "Ubi caritas est vera, Deus ibi est": dulà che la caritât, dulà che l'amôr al è vêr, li al è Diu"
da "Cuant che tal matrimoni al è l'amôr cristian, li al è verementri Diu" di Francesc Placerean
caritât s.f.
(ca-ri-tât)
Disposizion a capî e a judâ
sinonimi
bontât, pietât
esempi
"par stâ ben i volarès un pocje di caritât, ma no chê pelose di scuarzi un toc di pan, o une cjarte di mil o di milions par parê bon e dâle di intindi, ma la caritât che a ven dal cûr"
da "Un pugn di moscjis" di Pieri Somede dai Marcs
"il plevan lu à fat clamâ in canoniche e cun dute caritât i à spiegât par ben a ce che al leve incuintri"
da "Nardon e Vigjute di Nani" di Pieri Somede dai Marcs
caritât s.f.
(ca-ri-tât)
Jutori materiâl, spec. bêçs
sinonimi
beneficence, ufierte, limuesine
esempi
"dut ce che e cjapave e deve vie di caritât, che se e veve une svanzighe i pareve di no stâ ben"
da "Lis leiendis di Buie" di Pieri Menis
"la tiere buine e à dât il vivi al contadin e cun ce paiâ prediâl, fogatic, cuartês decimis, canui, regaliis [...] e la caritât al frari di Glemone, di Madone di Gracie, e ai puars su la puarte"
da "La aghe da pît la cleve" di Dino Virgili
"i puars a caritât in chei timps a jerin putrops; a vignivin jù dal Cjanâl dal Fier, de Val di Resie e no sai ancje di dulà, oms e feminis, cu la cossute su la schene e il sacut in man"
da "Chei di Muraie" di Pieri Menis
caritât s.f.
(ca-ri-tât)
At fat pal ben di chei altris o par complasêju
sinonimi
plasê, gracie
esempi
"fasimi chê caritât, ven a cjolimi in machine, che se di no o rivi cjase a straoris"
"copari, o soi jo… la Tice. Ven jù; fâs une caritât…"
da "Il forest" di Pieri Menis
proverbi
"a fâ ben par mâl, e je caritât; a fâ mâl par ben, e je crudeltât"
"a fâ caritât, no si devente puars"
"e je caritât tant a judâ cui che al vûl fâ robe, come a dâi un poc a cui che al vûl lâ in malore"
"i fraris a vivin di caritât e no di miserie"
"la caritât a va fûr pal porton e e jentre pal barcon"
"la caritât ancje al diaul e je ben fate"
"la caritât e jes pe puarte e e torne pai barcons"
"la caritât e manten lis fameis"
"la cjase che a fâs caritât no larà mai in malore"
"nissun nol è deventât mai puar par fâ caritât"
"nissun nol va a cirî par fâ caritât"
"no si à di fâ caritât cu la robe dal comun"
Torna in Cima