Hai cercato la parola
monolingue
Torna indietro

monolingue

casse s.f.
(ca-sse)
Contignidôr di forme plui o mancul cuadre
sinonimi
cassele, scjate
esempi
"une casse di len di chês dai miluçs"
casse s.f.
(ca-sse)
Mobil di len, doprât soredut tes cjasis di une volte par tignî vistîts
esempi
"te casse lavorade di intai, i vistîts a nasavin di bon: vie pal Invier a vignivin a lavorâ par cjase i sartôrs cjargnei e la casse si implenave"
da "La aghe da pît la cleve" di Dino Virgili
"da une casse di noiâr cu lis bertuelis e la sieradure di fier lavoradis e stagnadis a la antighe, e tirave fûr la blancjarie che e nulive di lavande"
da "La Madone dai siet dolôrs" di Pieri Somede dai Marcs
casse s.f.
(ca-sse)
Contignidôr di len par meti dentri il muart di sepulî
sinonimi
casse di muart, bare
esempi
"fûr de cjase dal puar muart, tante int a spietâ che al rivàs il plevan e la crôs pe benedizion dal cadavar e par sierâ la casse"
da "Al funerâl" di Angelo Covazzi
casse s.f.
(ca-sse)
Mobil rinfuarçât e cun portele blindade li che si tegnin bêçs o robis par che no si puedin robâ o par che al sedi plui dificil robâju
sinonimi
baûl, casnà, casson, sforcîr, cassefuart
esempi
"i laris a àn cjatât la casse paltade tal mûr ma no son rivâts a vierzile"
"al jere un forest, un soldât passât di là, che al veve tignût a ments là che e jere stade soterade la casse dal reziment, e cumò al jere tornât a cjolile"
da "Il forest" di Pieri Menis
casse s.f.
(ca-sse)
Mobil di une ativitât comerciâl dulà che si metin i bêçs des venditis e di dulà che si cjapin i bêçs di dâ di rest, dispès cuntun calcoladôr che al regjistre i moviments e ju stampe tune scontre o ricevude fiscâl
esempi
"aie mighe i bêçs juscj, che cumò te casse no ai minûts di dâi il rest?"
casse s.f.
(ca-sse)
Disponibilitât di bêçs o di avês li di un ent, di une aziende o di cdn.
esempi
"paiâts une vore di debits e metude in sest la casse, o vevi pensât di fâ lis scuelis gnovis a Pantianins"
da "Lis scuelis e la nêf" di Pieri Somede dai Marcs
"il tunel tal 1970 si veve calcolât che al costàs tresinte milions di francs, e insom si jerin inacuarts che des cassis a 'nd jere partîts dibot sietcent"
da "Fieste di inaugurazion" di Agnul di Spere
casse s.f.
(ca-sse)
Istitût di credit, bancje
esempi
"vierzi un cont te casse dal sparagn"
casse s.f.
(ca-sse)
[CO] (mec.) Struture vueide che e ten dentri un mecanisim
esempi
"la casse de sclope"
"la casse dal orloi"
casse s.f.
(ca-sse)
[TS] (artes.) Ognidun dai tocs di len mobii che a tegnin il pietin dal telâr
casse s.f.
(ca-sse)
[CO] (edil.) Struture di len inmurade des puartis e dai barcons
sinonimi
telâr, casse dal telâr
casse s.f.
(ca-sse)
[CO] (edil.) Spazi vueit tun mûr, par tignî dentri aparâts, massime lis persianis inrodoladis parsore di puartis e barcons
casse s.f.
(ca-sse)
[CO] (tecn.) Intun implant di difusion sonore, contignidôr sfodrât di materiâl fonoassorbent che al à dentri un o plui megafons
esempi
"comprâ un bon pâr di cassis pal stereo"
casse s.f.
(ca-sse)
Part de caroce, de carete e v.i. dulà che si sentisi
sinonimi
serpe, serpin
casse s.f.
(ca-sse)
Vt. casse dal voli
casse s.f.
(ca-sse)
Vt. panarie (oc.)
proverbi
"cui che al fâs fabricâ al à bêçs in casse, cui che al fâs piturâ ind à di masse"
"fabricâ cui bêçs in casse, piturâ se a 'nd è masse"
"i parincj si cognossiju a fassis, a gnocis e a cassis"
"une ridade e gjave un claut de casse"
Torna in Cima