SuperDizionari

ce che si dîs loc.pron.

Alc o cdn. che al à ciertis carateristichis, che al corispuint a di une cierte definizion, che al fâs part di une cierte categorie e v.i.

sinonims

chel che si dîs

esemplis

"chest ca nol jere pardabon ce che si dîs un di chei umigns che ur fasin cori il sanc a lis fantatis"

gjavât fûr di "Trê feminis" di Gianni Gregoricchio

"al jere ce che si dîs di intelet onest e nol pative di risintiment narcisistic"

gjavât fûr di "Memoriis di politiche linguistiche" di Adrian Cescje

ce che si dîs loc.pron.

Maniere juste di fâ, soredut par creance, o ancje par cure, cualitât e v.i.

sinonims

chel che si dîs

esemplis

"si à di savê tratâ cu la int, di vê un tic di ce che si dîs"

"tu ti alenarâs, tu âs doi mês par tornâ a vê un pôc di ce che si dîs cul balon tal pît"

gjavât fûr di "Donald dal Tiliment" di Stiefin Morat

ce che si dîs loc.pron.

In funz. di av., in costruzions par rimarcâ o che a valin tant che superlatîf

sinonims

chel che si dîs

esemplis

"si intint in dute segretece cuntune strie, e chê i fâs fâ une biele cocjete, ma biele ce che si dîs, e jê e fâs i siei strieçs parsore vie"

gjavât fûr di "I trê cjadreons" di Andreina Nicoloso Ciceri

ce che si dîs loc.pron.

In funz di inter., par rimarcâ un fat curiôs, une emozion di sorprese, di rassegnazion o altri daûr dal contest

sinonims

chel che si dîs

esemplis

""[...] La altre sere mo, ce che si dîs!, o vevi propri il cjâf a nolis [...]""

gjavât fûr di "La ospitalitât" di Luigi Gortani

monolengâl