SuperDizionari

ce che si dîs loc.pron.

Alc o cdn. che al à ciertis carateristichis, che al corispuint a di une cierte definizion, che al fâs part di une cierte categorie e v.i.

sinonimi

chel che si dîs

esempi

"chest ca nol jere pardabon ce che si dîs un di chei umigns che ur fasin cori il sanc a lis fantatis"

da "Trê feminis" di Gianni Gregoricchio

"al jere ce che si dîs di intelet onest e nol pative di risintiment narcisistic"

da "Memoriis di politiche linguistiche" di Adrian Cescje

ce che si dîs loc.pron.

Maniere juste di fâ, soredut par creance, o ancje par cure, cualitât e v.i.

sinonimi

chel che si dîs

esempi

"si à di savê tratâ cu la int, di vê un tic di ce che si dîs"

"tu ti alenarâs, tu âs doi mês par tornâ a vê un pôc di ce che si dîs cul balon tal pît"

da "Donald dal Tiliment" di Stiefin Morat

ce che si dîs loc.pron.

In funz. di av., in costruzions par rimarcâ o che a valin tant che superlatîf

sinonimi

chel che si dîs

esempi

"si intint in dute segretece cuntune strie, e chê i fâs fâ une biele cocjete, ma biele ce che si dîs, e jê e fâs i siei strieçs parsore vie"

da "I trê cjadreons" di Andreina Nicoloso Ciceri

ce che si dîs loc.pron.

In funz di inter., par rimarcâ un fat curiôs, une emozion di sorprese, di rassegnazion o altri daûr dal contest

sinonimi

chel che si dîs

esempi

""[...] La altre sere mo, ce che si dîs!, o vevi propri il cjâf a nolis [...]""

da "La ospitalitât" di Luigi Gortani

monolingue