Hai cercato la parola
monolingue
Torna indietro

monolingue

cerce s.f.
(cer-ce)
Il provâ alc di bevi o di mangjâ
sinonimi
degustazion, prove
esempi
"agnorums di studis, ricercjis, provis e cercis [di sgnape]"
da "Interviste a Giannola Nonino" di Dree Venier
"[i foncs] jai doi simpri prin di cerce al gjat, par no vê sorpresis"
da "Foncs" di Angelo Covazzi
"stant a sarvî lì dal cont, i veve puartade juste di cerce al paron une luianie"
da "Indulà isal il manicomi?" di Ivano Urli
Vedi anche: cercje
cerce s.f.
(cer-ce)
Piçule cuantitât di robe di mangjâ o di bevi
sinonimi
cercin, fregul, fruçon, got, gote, ninin, sclip, tic
esempi
"«Vûstu un bocon?» [...] «Ben, une cerce ma nome une cerce, savêso…»"
da "I macarons" di Meni Ucel
cerce s.f.
(cer-ce)
[TS] (tecn.) Operazion fate su cierts materiâi o terens par capî la lôr nature o la lôr cualitât
cerce s.f.
(cer-ce)
Element che al fâs capî o sintî prime alc altri, che lu preanunzie (fig.)
sinonimi
preanunzi
esempi
"e cheste, par intant, e je nome une cerce: il biel al vignarà plui indenant, se lis cjossis a van par chê strade che a son inviadis"
da "Sovranitât nazionâl" di Josef Marchet
"lotâ par dâ al nestri popul une cerce di chê liberazion, che le viodevin ancje te concuiste dai dirits plui sempliçs dal lavôr a cjase nestre, de apartignince a une culture e a une lenghe"
da "Memoriis di politiche linguistiche" di Adrian Cescje
Torna in Cima