SuperDizionari

torne indaûr

monolengâl

cidin adi., s.m.
(ci-din)

Che, cui che al tâs

sinonims

cêt, cuç, mucin, zito, cidinôs

esemplis

"Rita e restà cidine un moment, e dopo i disè che i saveve agrât di vêi fat chel zugatul a Ricardo"

gjavât fûr di "Prime di sere" di Carlo Sgorlon

"Anzul si fâs dongje de lûs e si met a lei cidin, fermantsi dispès par tornâ di li a pôc a silabâ sot vôs"

gjavât fûr di "A uciei cu lis archetis" di Pieri Menis

"stâ cidin e lasse fevelâ chei altris"

"tâs cidin!"

cidin adi.
(ci-din)

Che nol fâs o che nol à rumôr

sinonims

cêt, cuiet

esemplis

"so fradi tal jet vicin al durmive come un çoc, dute la cjase cidine, difûr nancje un chic"

gjavât fûr di "Nadâl ancje par Gjelmin" di Pieri Menis

"i cjars a passavin sdrondenant par stradis intorteadis tai cjanâi, jenfri sgoifs di monts cidinis, par dongje aghis mai sintudis a innomenâ"

gjavât fûr di "La aghe da pît la cleve" di Dino Virgili

cidin adi.
(ci-din)

Che no si impâr, che al sucêt cence fâ scjas (fig.)

sinonims

platât, scuindût, sordin

esemplis

"il consum critic al vâl tant che une rivoluzion cidine"

gjavât fûr di "Guide par un consum just e solidâl" di Buteghe dal Mont, Luche Nazzi

"a àn di dî e provâ cui fats se a ubidissin ae costituzion e aes leçs, che a tutelin la lenghe furlane, o se a ubidissin a interès personâi e a chei di partît [...], che a puartin al stermini cidin de lenghe furlane"

gjavât fûr di "Vuere e pâs - Il conflit linguistic in Friûl jenfri vuere cidine e pâs bausarie" di Sandri Carrozzo

cidin adi.
(ci-din)

In funzion averbiâl, a basse vôs

sinonims

sot vôs, planc, a planc

esemplis

"ti vignive voie di fevelâ cidin come in glesie"

gjavât fûr di "La rive di Sant Pieri" di Maria Forte

"disêt cidins però che babe Remo Basiù al sta fasint cumò la sieste dal dopomisdì"

gjavât fûr di "Sense" di Checo Tam

cidin s.m.
(ci-din)

Situazion li che no si dîs nuie, li che no son sunsûrs

sinonims

zito, silenzi, cidinôr, cidinûl

esemplis

"un ingôs par ducj i doi, ma par un bot tal stomi discompagn. E un grant cidin al colà jenfri di lôr"

gjavât fûr di "Cjase di Dalban" di Maria Forte

"a ricuardâ chest inovâl cuntun minût di cidin al è stât ancje il gnûf president dal Consei regjonâl"

gjavât fûr di "Inovâl dal Taramot dal 1976" di Redazion Radio Onde Furlane

"lis seris de sierade, neris e fondis come poçs, di no viodi a un pas, un scûr di taiâlu a fetis, un cidin di fâ pôre, il gust infinît di cjatâsi e strenzisi"

gjavât fûr di "Par stradis lungjis" di Alan Brusini

detulis

"aghe cidine e puarte ruvine"

"aghe cidine e ruvine i puints, lime sordine e ruvine lis cjasis"

"la aghe cidine a fâs marcî i pâi"

torne sù