Tu âs cirût la peraule
monolengâl
torne indaûr

monolengâl

cite s.f.
(ci-te)
Recipient, in gjenar di forme cilindriche cun doi manis e un tapon, o in câs ancje di altre sorte, doprât par cusinâ la robe di mangjâ
esemplis
"e veve puartât ca su la taule la cite di crep de mignestre e ur indi veve dade une cjace parom: fasûi e ravis"
gjavât fûr di "Purizions" di Meni Ucel
"none Luzie, fate sù tun grumâl a riis grisis e neris (la taule le veve preparade dongje il fogolâr) e jere indafarade cu lis citis sul spolert"
gjavât fûr di "Come tai romançs" di Alan Brusini
cite s.f.
(ci-te)
Contignidôr par tignî la robe di mangjâ, o in câs ancje altre robe, ma no par cueile
esemplis
"biel che o passavi a pâr dal cjan, no ai rivât a comandâmi e la man e à gafât de sô cite un piç di crostis di pan neri che i jerin vanzadis"
gjavât fûr di "Storie di Min" di Ivano Urli
cite s.f.
(ci-te)
Situazion, complès di elements, soredut se al è un ciert caratar di riservatece o di dinamicitât, complicazion, novitât e v.i. (fig.)
esemplis
"un voli a cjase nestre e un voli lontan, ma lontan une vore, par no pierdi di viste ce che al bol te cite internazionâl"
gjavât fûr di "Preambul rusin" di Josef Marchet
"«Ce bolial vuê te cite dal borc? Ce disial siôr Popul e done Int?»"
gjavât fûr di "La tiere di Lansing" di Maria Forte
"e saltà fûr une «Mozion dai predis» cun 529 firmis che e diseve il so dret a la pulitiche [...]. Al fo doprât ancje il vescul par taponâ la cite. Ma ancje cheste volte al è stât dut dibant"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
cite s.f.
(ci-te)
[TS] (zûcs) Zûc popolâr li che, pal solit jessint bendâts, si à di rompi cuntun baston un contignidôr cun dentri sorpresis o regâi
esemplis
"e zuiarin di çoncs e di purcite: / se varìn claps, o traiarìn al gjal; / cui voi bendâts o romparìn la cite"
gjavât fûr di "A Tite Bas" di Pieri Çorut
cite s.f.
(ci-te)
Il cjâf e la capacitât di resonâ (fig.)
sinonims
cassele, cjâf, gamele, cit, coce
esemplis
"ma lui no vevial mai pensât? Al somee di no. Ta chest esercit mi pâr che un grum di int no dopri la cite"
gjavât fûr di "Neapolis" di Checo Tam
detulis
"cite rote no mûr mai"
"cui che al sa fâ la cite al sa fâ ancje il mani"
"cul cjalt dai bleons no si fâs boli la cite"
"cul cjalt dal jet no si scjalde la cite"
"e dure plui une cite sclapade che no une gnove"
"e vâl plui la cite viere che no la gnove"
"il cjalt dai bleons nol fâs boli la cite"
"l'onôr nol fâs bulî la cite"
"la cite dal artesan se no bol vuê e bol doman"
"la cite dal marcjadant e bol tremant"
"la cite rote e je chê che e ten dûr"
"lis madonis a van ben picjadis sù pal mûr e lis brûts inte cite"
"nissun sa ce che al bol te cite di chei altris"
"si trussin ancje lis citis che a stan fermis su la nape"
torne sù