SuperDizionari

citâ v.tr.
(ci-tâ)

Riferî alc dit o scrit di cdn. altri in maniere precise, tant che esempli o poie di ce che si pense, declare e v.i.

sinonims

riferî, ripuartâ

esemplis

"par dâ la misure de ambizion de opare di Tipler, o citi la viertidure dal libri: "Chest libri al descrîf la teorie dal Pont Omega: la teorie fisiche e sperimentabile di un Diu onipresint, onisient [...]""

gjavât fûr di "Teologjie algjebriche" di Sergio Cecotti

"o finìs cuntun sproc che dispès gno pari al citave: «La femine furlane e ten sù trê cjantons de cjase»"

gjavât fûr di "Interviste a Giannola Nonino" di Dree Venier

citâ v.tr.
(ci-tâ)

Fevelâ o scrivi di alc o di cdn., nomenâlu

sinonims

nomenâ

esemplis

"inte nestre storie o vin vûts [...] patriarcjis e vescui che a àn dade la vite pe lôr int. O citi Bertrant"

gjavât fûr di "L'unic concuardât che la glesie no po rinunziâ al è chel cu la sô int" di Francesc Placerean

"Pauli Diacun al fo il prin autôr che al cità Nimis; si jere jenfri il 760 e il 790; lui al nomenà un "Nemas Castrum""

gjavât fûr di "Nimis" di Agnul di Spere

citâ v.tr.
(ci-tâ)

[TS] (dir.) Clamâ denant di un magjistrât tant che cuintripart, acusât o testemoni

sinonims

clamâ in judizi

monolengâl