Tu âs cirût la peraule
monolengâl
torne indaûr

monolengâl

ciulâ v.intr.
(ci-u-lâ)
Fâ un sun fuart, alt e disgrat, massime di tocs di metal no invueleâts
sinonims
vuicâ, scriulâ
esemplis
"sul daûr de cjase, si jere sintût un rumôr, al podeve jessi un ciulâ di puarte"
gjavât fûr di "B123ST" di Raffaele Serafini
"il caretin al dismontà de alture ciulant e scriulant su lis ruedis"
gjavât fûr di "La tiere di Lansing" di Maria Forte
"parsore dai nestris cjâfs lis granadis a passavin ciulant rabiosis, lant a sclopâ abàs jù pai crets"
gjavât fûr di "Cemût che o soi restât caporâl" di Pieri Menis
"chel ciulâ dal aiar al somee la vôs di une anime in pene"
gjavât fûr di "La Çucule" di Dino Virgili
ciulâ v.intr.
(ci-u-lâ)
Fâ un viers fuart, di un animâl o ancje di une persone, spec. par une emozion o sensazion fuarte e improvise
sinonims
vuicâ
esemplis
"i lôfs a vevin tacât a ciulâ di pôre: intun marilamp a jerin discomparîts tal bosc, glotûts dal scûr"
gjavât fûr di "Soreli jevât a mont" di Raffaele Serafini
"chel altri soldât al rideve come un mat a viodi chel puar om a stuarzisi e a ciulâ, dut insanganât"
gjavât fûr di "Il muc" di Roberto Ongaro
"lui, frutin, se gjoldeve e al ciulave"
gjavât fûr di "Trê feminis" di Gianni Gregoricchio
detulis
"il cjaldîr che al ciule al è chel vueit"
"no bisugne spelâ tant la gjaline che e ciuli"
torne sù