Tu âs cirût la peraule
monolengâl
torne indaûr

monolengâl

cjacarâ v.intr.
(cja-ca-râ)
Fevelâ dal plui e dal mancul, soredut cence masse impegn
sinonims
babâ, badaiâ, badascolâ, bardelâ, conversâ, craçolâ, discori, fevelâ, peteçâ, resonâ, 'sabaiâ, sbaiafâ, tabaiuçâ, trabascjâ, tratâ, zornâ, tabaiâ
esemplis
"po a rivarin alì altris alpins dal borc par cjacarâ insiemi, e par bevi la tace in compagnie"
gjavât fûr di "Cjase di Dalban" di Maria Forte
"a saressin lâts tal barut a buinore, a varessin scomençade la zornade cuntun cafetut bevût cjacarant cun int no viodude di mês, di agns"
gjavât fûr di "Vivi a Codroip" di Agnul di Spere
"dome di une robe al veve bisugne e di chê nol podeve propit fâ di mancul: podê fevelâ, podê cjacarâ cun cualchidun di cualsisei robe, podê sintî chei altris, e sintîsi"
gjavât fûr di "Aiar di cjase" di Franca Mainardis
cjacarâ v.intr.
(cja-ca-râ)
Fevelâ dai afârs di chei altris
sinonims
peçotâ, peteçâ, slengotâ, tabaiâ
esemplis
"a cjacarin avonde par dut Rivuinis! Par vie che o partîs in trê. I Batistons, a disin, cun cjasis e braidis e nemâi… Ce ur covential ai Batistons?"
gjavât fûr di "La aghe da pît la cleve" di Dino Virgili
"za sul lavôr a començavin a cjacarâ. Cualchidun al diseve che Mary lu cjalave masse, che dispès si cjatavin insiemi"
gjavât fûr di "Sul agâr" di Pieri Menis
"jo o soi in dovê di prevignî il plevan prime che il scandul si slargji e prin che dut il paîs al cjacari"
gjavât fûr di "Co l'amôr al cimie" di Costantino Smaniotto
cjacarâ v.intr.
(cja-ca-râ)
In gjenerâl, esprimisi a vôs, cun dutis lis acezions di "fevelâ"
sinonims
fevelâ, tabaiâ
esemplis
"lui al cjacare in dificil, forsit par confondimi, ma jo cun lui o vuei jessi rût e sclet par no fâlu nancje pierdi timp"
gjavât fûr di "La cjase di Toni" di Tarcisio Venuti
"par savê alc di plui si veve di cjacarà cui parons de cjase dulà che e jere la piture, cun cualchi persone dal paîs, o dal borc"
gjavât fûr di "Diari di un progjet didatic: etnografie par furlan te scuele" di Dario Chialchia
"Laura e veve cualchi dificoltât tal fevelâ, passâts i doi agns che no cjacarave ancjemò"
gjavât fûr di "Jo e Graziella" di Mario Beltramini
"viôt cemût che tu cjacaris, supierbeose di une estrosate"
gjavât fûr di "Vieri e gnûf" di Pieri Piçul
cjacarâ v.intr., v.tr.
(cja-ca-râ)
Doprâ une cierte lenghe
sinonims
tabaiâ, fevelâ
esemplis
"il todesc lu à studiât a scuele e lu sa cjacarâ"
gjavât fûr di "Storie di Vera" di Ivano Urli
"dal 1911 a cjacaravin galês 977.366 personis, il 43,5% de popolazion dal Gales"
gjavât fûr di "Une riflession su lis politichis linguistichis" di Xavier Lamuela
cjacarâ v.intr.
(cja-ca-râ)
Frontâ un argoment, no dome a vôs, ma ancje tun scrit o par television, par radio e v.i.
sinonims
resonâ, tabaiâ, tirâ fûr, tocjâ, fevelâ
esemplis
"lis risorsis sparagnadis a vegnin invistidis in progjets di solidarietât e di cooperazion: tal belanç si cjacare alore di invistiments etics, di invistiments sul stîl di vite e di invistiments solidaris"
gjavât fûr di "Guide par un consum just e solidâl" di Buteghe dal Mont, Luche Nazzi
"pe cosmologjie cuantistiche cjacarâ de fisiche de “fin dai timps” nol è – in linie di principi – lafè plui dificil di cjacarâ de “origjin dai timps”"
gjavât fûr di "Teologjie algjebriche" di Sergio Cecotti
cjacarâ v.intr.
(cja-ca-râ)
Fâ capî ancje cence doprâ il lengaç verbâl (fig.)
sinonims
tabaiâ, fevelâ
esemplis
"mi à dât une cjalade che e cjacarave bessole"
"mi cjale cui voi che a cjacarin"
gjavât fûr di "Il timp di balâ" di Stefano Gasti
cjacarâ v.intr.
(cja-ca-râ)
Di reperts, provis, elements che si puedin osservâ e v.i., fâ capî, dâ une testemoneance concrete (fig.)
sinonims
fevelâ, tabaiâ
esemplis
"ce che nus reste ator pal Friûl, massime i monuments paleocristians, dal V al VII secul, no nus cjacare dome de difusion simpri plui largje dal cristianisim, ma ancje de profonde trasformazion di dute la vite sociâl e economiche"
gjavât fûr di "Storie dal popul furlan" di Gian Carlo Menis
"tes voris plui resintis si zonte un element che al cjacare ancjemò di plui de energjie vitâl de nature: il zermuei"
gjavât fûr di "I segrets de vite tun zermuei di tiere di cjamp" di Erika Adami
cjacarâ v.intr.
(cja-ca-râ)
Di dôs personis, viodisi par un interès sentimentâl, ancje cence vê definît ancjemò un rapuart (coloc.)
sinonims
fâ l'amôr, lâ par cjase, morosâ, fevelâ, tabaiâ
esemplis
""Ma chei doi li, che si intindin cussì ben, sono insiemi?" "Mah, disìn che a cjacarin...""
detulis
"cjacarâ cence pensâ al è come trai cence smicjâ"
"cualchi volte cui che al à il plui biel tasê, al cjacare"
"cui che al cjacare pôc al fâs buine figure cun metât di savê"
"tant savê al è un grant merit, tant cjacarâ al è un grant difiet"
torne sù