SuperDizionari

monolengâl

infier s.m.
(in-fier)

Lûc che, daûr de concezion cristiane, al è destinât pe danazion eterne dai pecjadôrs e des entitâts che si son rivoltadis cuintri di Diu

sinonims

cjadaldiaul

esemplis

""A mi mi pâr che il Signôr al è paron di mandâ no tal infier, ma ancje a gnargnic, che al è mil miis plui inlà, cui che dal folc al vûl, cence che a noaltris nus vebi di impuartâ une pipe. So no, staressin frescs, culì in paradîs!""

gjavât fûr di "La invidiose" di Luigi Gortani

"un puest di dolôr come l' infier, al sarès une magle, une ombre tal biel e te lûs di dut"

gjavât fûr di "La tiere di Lansing" di Maria Forte

Viôt ancje: unfier, infiern, unfiern

infier s.m.
(in-fier)

Lûc, acjadiment caraterizât di fûc, violence e sim. (fig.)

sinonims

cjadaldiaul

esemplis

"a pâr coma che ducju i pacancavins da la Pifania a brusin insiemit ta un colp! I soi duta imbarlumida, i no jôt pi nuia! Se infier di flamis"

gjavât fûr di "I Turcs tal Friûl" di Pier Paolo Pasolini

"sot chel fracàs, sot chel infier scjadenât, a Pâl Piçul, si combateve rimpinantsi sui crets, tarombolantsi te nêf deventade rosse di sanc, semenade di muarts e di ferîts"

gjavât fûr di "Funerâl a Pâl Piçul" di Pieri Menis

infier s.m.
(in-fier)

Lûc, cundizion, situazion e v.i. che a fasin patî, che a son une vore negatîfs, che no si rive a sopuartâ (fig.)

sinonims

crôs, patiment, cjastì di Diu, cruzi, cjastî, flagjel, tribul, torment, persecuzion, lambic, martueri, maledizion, danazion, condane, disgracie, cruzie, tumie, soference, agonie, pene, pinitince

esemplis

"i mês che [so fi] al veve stât vie in vuere, a jerin stâts, par jê, un infier di pôre di ansie, di spiete, di baticûr"

gjavât fûr di "Il muc" di Roberto Ongaro

detulis

"cui che al vûl provâ lis penis dal infier che al fasi di Istât il fari e il cjaradôr di Invier"

"il pedrât dal infier al è fat cu lis crepis di fornârs, mulinârs e ostîrs"

"in paradîs si stufisi, tal infier si usisi"

"la femine e je il paradîs dal cuarp, il purgatori de borse, l'infier da la anime"

"lis feminis a son il paradîs dal cuarp, il purgatori de borse e l'infier da la anime"

torne sù