SuperDizionari

cjame s.f.
(cja-me)

Cuantitât di robe, cuntun ciert volum e pês, di puartâ o traspuartâ o mandâ o sim.

sinonims

caric, cjarie

esemplis

"i carioliscj a menavin vie di chês cjamis [di arzile], che dute la gnervadure dal cuel ur vignive infûr e i pagnuts dai braçs si indurivin come di clap"

gjavât fûr di "La aghe da pît la cleve" di Dino Virgili

"se torni a cjase cul mus discjamât, mê mari mi gjave i voi; viodìn almancul di puartâi sù une cjame di lens"

gjavât fûr di "Il matescul di Cjabie" di Luigi Gortani

"i vignive iniment il so cjar, cu lis ruedis di camion, fuart e lizêr, che al puartave come nuie une cjame di trente cuintâi"

gjavât fûr di "Prime di sere" di Carlo Sgorlon

cjame s.f.
(cja-me)

Azion di preparâ, meti dongje o meti sù robe par puartâle, traspuartâle, mandâle o sim.

sinonims

caric, cjarie

esemplis

"Tite e Pieri a puartarin di bevi ai umigns che a fasevin la cjame"

gjavât fûr di "Cjase di Dalban" di Maria Forte

cjame s.f.
(cja-me)

Fuarce esercitade di un cuarp par efiet de gravitât o par une pression

sinonims

caric, pression, pês, cjarie

esemplis

"[il complès dal mûr cui arcs] prin al jere dut un corisi daûr di viertiduris largjis come puartons, e come schenis fuartis, a tignî sù la cjame de cjase"

gjavât fûr di "I arcs" di Maria Forte

cjame s.f.
(cja-me)

Il meti in cundizion di funzionâ un aparât cul dâi o cul metii la energjie, la tension, il carburant, lis munizions o sim. che i coventin

sinonims

cjarie

esemplis

"meti in cjame il telefonut"

cjame s.f.
(cja-me)

Ce che al compuarte un pês, une fadie, un impegn, ancje imateriâl, psicologjic, morâl e v.i. (fig.)

sinonims

pês, cjarie

esemplis

"Meni al jere dât par dispierdût. Dopo, Tilde, e ve dute su lis sô spalis la cjame de vite di lôr dôs, che Catine - pe prime e uniche volte - si pleà sui siei dolôrs"

gjavât fûr di "Trê feminis" di Gianni Gregoricchio

"cussì Cavedalis, che pûr si jere oponût a cheste decision, al si cjatà su la schene une cjame di responsabilitâts"

gjavât fûr di "Zuan Batiste Cavedalis - Une vite esemplâr" di Giovanni Pillinini

cjame s.f.
(cja-me)

Grande cuantitât, ancje di alc di imateriâl (fig.)

sinonims

baste, cjarie, frac, mont, sglavin, sglavinade, slac, vore, sdrume, grum

esemplis

"[l'ostîr] al jere simpri Nardin, cuntune buine cjame di carnevâi di plui sù pe schene"

gjavât fûr di "Il sium di Lissandri" di Franca Mainardis

"al si inecuarç da vê guadagnât na cjama di bêçs"

gjavât fûr di "I cjans di not" di Novella Cantarutti

cjame s.f.
(cja-me)

Stât di inflamazion e in câs ostruzion des viis respiratoriis (fig.)

sinonims

costipazion, sope, cjarie

esemplis

"no ai fiere, ma o ai intor une cjame di chês"

monolengâl