SuperDizionari

cjame s.f.
(cja-me)

Cuantitât di robe, cuntun ciert volum e pês, di puartâ o traspuartâ o mandâ o sim.

sinonimi

caric, cjarie

esempi

"i carioliscj a menavin vie di chês cjamis [di arzile], che dute la gnervadure dal cuel ur vignive infûr e i pagnuts dai braçs si indurivin come di clap"

da "La aghe da pît la cleve" di Dino Virgili

"se torni a cjase cul mus discjamât, mê mari mi gjave i voi; viodìn almancul di puartâi sù une cjame di lens"

da "Il matescul di Cjabie" di Luigi Gortani

"i vignive iniment il so cjar, cu lis ruedis di camion, fuart e lizêr, che al puartave come nuie une cjame di trente cuintâi"

da "Prime di sere" di Carlo Sgorlon

cjame s.f.
(cja-me)

Azion di preparâ, meti dongje o meti sù robe par puartâle, traspuartâle, mandâle o sim.

sinonimi

caric, cjarie

esempi

"Tite e Pieri a puartarin di bevi ai umigns che a fasevin la cjame"

da "Cjase di Dalban" di Maria Forte

cjame s.f.
(cja-me)

Fuarce esercitade di un cuarp par efiet de gravitât o par une pression

sinonimi

caric, pression, pês, cjarie

esempi

"[il complès dal mûr cui arcs] prin al jere dut un corisi daûr di viertiduris largjis come puartons, e come schenis fuartis, a tignî sù la cjame de cjase"

da "I arcs" di Maria Forte

cjame s.f.
(cja-me)

Il meti in cundizion di funzionâ un aparât cul dâi o cul metii la energjie, la tension, il carburant, lis munizions o sim. che i coventin

sinonimi

cjarie

esempi

"meti in cjame il telefonut"

cjame s.f.
(cja-me)

Ce che al compuarte un pês, une fadie, un impegn, ancje imateriâl, psicologjic, morâl e v.i. (fig.)

sinonimi

pês, cjarie

esempi

"Meni al jere dât par dispierdût. Dopo, Tilde, e ve dute su lis sô spalis la cjame de vite di lôr dôs, che Catine - pe prime e uniche volte - si pleà sui siei dolôrs"

da "Trê feminis" di Gianni Gregoricchio

"cussì Cavedalis, che pûr si jere oponût a cheste decision, al si cjatà su la schene une cjame di responsabilitâts"

da "Zuan Batiste Cavedalis - Une vite esemplâr" di Giovanni Pillinini

cjame s.f.
(cja-me)

Grande cuantitât, ancje di alc di imateriâl (fig.)

sinonimi

baste, cjarie, frac, mont, sglavin, sglavinade, slac, vore, sdrume, grum

esempi

"[l'ostîr] al jere simpri Nardin, cuntune buine cjame di carnevâi di plui sù pe schene"

da "Il sium di Lissandri" di Franca Mainardis

"al si inecuarç da vê guadagnât na cjama di bêçs"

da "I cjans di not" di Novella Cantarutti

cjame s.f.
(cja-me)

Stât di inflamazion e in câs ostruzion des viis respiratoriis (fig.)

sinonimi

costipazion, sope, cjarie

esempi

"no ai fiere, ma o ai intor une cjame di chês"

monolingue