Hai cercato la parola
monolingue
Torna indietro

monolingue

cjampane s.f.
(cjam-pa-ne)
Strument, spec. di bronç, a forme di vâs ribaltât, sunât cuntun batali o cuntune mace, tipic soredut dai tors des glesiis
esempi
"a pene che nô mularie o sintivin la cjampane di dutrine, vie di corse in glesie par confessâsi"
da "Vilie di fieste" di Lucio Perès
"par ogni cjase e svintulave une bandiere; lis cjampanis moladis a plen a sunavin in dopli… la Bande si sfladave"
da "11 di Fevrâr 1929" di Pieri Somede dai Marcs
"a saludâ chê albe, clare come un voli di uciel, la prime e je stade la cjampane di Mont di Buie, chê che e mandave simpri vie la tampieste, e subit i à dât sot chê di Bueriis che al pareve che e sunàs propit li dabàs, platade te torbere, sot dal linzûl blanc de fumate basse"
da "Il cuader de none" di Pieri Menis
"la cjampane grande dal tor, sù in alt, e sunave la avemarie e une vongule di pâs e involuçave i mûrs de canoniche, tal scurut de sere"
da "Ta la ombrene de canoniche" di Pieri Somede dai Marcs
cjampane s.f.
(cjam-pa-ne)
Ce che si sint a dî, informazion, version di cemût che al è sucedût alc (fig.)
esempi
"spiete prime di judicâ, no tu puedis sintî dome une cjampane"
"se o savessis, ce cjampanis che a sunin sun jê!"
da "A passe la scalmane" di Anute Fabris
"dome sui fruts lis cjampanis no sunavin ben e a rivavin, di pueste, dopo lis bielis novitâts. I fruts no jerin propit taiâts su la lune dai libris! Ducj i doi impastâts cu la stesse malevoie, che i vignive rabie di sei lôr pari"
da "La tiere di Lansing" di Maria Forte
cjampane s.f.
(cjam-pa-ne)
Robe che e à une forme di cjampane
esempi
"da cjâf dal fûc, sot la cjampane nere dal fogolâr, al jere il «trono» dal pari di famee, in cjase di mê mari: un cjadreon cui braçâi e cuntun cûr intaiât te bree dal schenâl"
da "Il «trono» dal von" di Pieri Menis
cjampane s.f.
(cjam-pa-ne)
Schermi in forme di cjampane che al fâs che la lûs di une flame, di une lampade, di une lampadine e v.i. e sedi mancul fuarte e plui difondude
sinonimi
parelum
esempi
"la cjampane de lum"
proverbi
"a vuelin dôs cjampanis par sunâ parie"
"cuant che al sune il campanel, lis cjampanis a àn sunât"
"cuant che lis cjampanis piçulis a sunin, lis grandis a àn sunât"
"cuntune cjampane no si sune parie"
"dulà che a son cjampanis a son ancje putanis"
"la fiere terçane il zovin lu risane e al vieli i fâs sunâ la cjampane"
"la tos paiane o che e risane o che e sune la cjampane"
"tal sun si cognòs lis cjampanis"
"un glon di cjampane al paie ducj"
Torna in Cima