SuperDizionari

cjapâ dentri loc.v.

Vê o tacâ a vê dentri di se, vê dentri de proprie estension spaziâl, temporâl, ideâl e v.i.

esemplis

"si definì il standard de lenghe greghe moderne, tal lessic e te scriture, che al balinà a dilunc tra la soluzion popolâr, fevelade, la demotiche, e chê culte, modelade su chê antighe, la katarevoussa, intun confront ferbint che al cjapà dentri il Votcent e buine part dal Nûfcent"

gjavât fûr di "Viaç aes origjins dal Logos" di Adrian Cescje

cjapâ dentri loc.v.

Vê tant che argoment, tant che ogjet di interès

sinonims

comprendi, contignî, includi, rivuardâ, sierâ, tocjâ, tratâ

esemplis

"te mê ricercje o vuei cjapâ dentri dome chei che o clami Tescj primaris"

gjavât fûr di "Lis piuladis furlanis tal pulinâr globâl" di Michele Vuardianut Calligaris

cjapâ dentri loc.v.

Fâ che cdn. o alc a jentrin intune cierte cundizion, situazion, ativitât, partecipazion e v.i.

sinonims

implicâ, tirâ dentri

esemplis

"Frau al proclamà l'impegn a promovi la costituzion dal Centri che jo o vevi proponût, cu la formule dal consorzi par podê cjapâ dentri la Universitât e impegnâle inte imprese"

gjavât fûr di "Memoriis di politiche linguistiche" di Adrian Cescje

cjapâ dentri loc.v.

Fâ che cdn. al sinti une sensazion di partecipazion profonde

esemplis

"Marchet si lassà cjapâ dentri dal entusiasim di Marchi, de sô culture fûr dal ordenari e dal snait che chel om al puartave cun se"

gjavât fûr di "Felix Marchi e il sium dal furlan-furlan" di Max Mauro

cjapâ dentri loc.v.

Strenzi jenfri dôs o plui parts

esemplis

"la puarte si è sierade a colp e al è mancjât pôc che i cjapàs dentri i dêts"

monolengâl