Hai cercato la parola
monolingue
Torna indietro

monolingue

cjapâ sù loc.v.
Cjapâ alc che al è par tiere o poiât di cualchi bande che si pues calcolâ plui in bas dal subiet o ancje cjapâ in sens gjeneric o intensitîf
sinonimi
cjoli sù
esempi
"il nono al cjapave sù cu lis moletis une bore di fûc, al impiave il so «virgjinie» e al pipave di gust"
da "Il «trono» dal von" di Pieri Menis
"al cjapà sù il cjapiel de cjadree e al si invià fûr"
da "Prime di sere" di Carlo Sgorlon
cjapâ sù loc.v.
Fâ montâ o permeti a cdn. di montâ parsore di une bestie o tun mieç di traspuart par puartâ ator
sinonimi
cjoli sù
esempi
"nus à fats smontâ, nô e chê sdrume di altris fruts che o vevin cjapât sù pe strade"
da "Fra Silvio" di Pieri Somede dai Marcs
cjapâ sù loc.v.
[TS] (zûcs) Intai zûcs di cjartis, cjapâ une o plui cjartis di chês che a son tal mac
sinonimi
pescjâ
cjapâ sù loc.v.
Fâ in mût di vê alc, soredut domandant ator
sinonimi
cjoli sù
esempi
"a pene che il gnûf crucifìs al jere pront e si saveve la spese, lis feminis si son metudis a cjapâ sù lis ufiertis, cjase par cjase"
da "Il Signôr sul mûr de braide" di Pieri Menis
"la leç eletorâl e deve la pussibilitât ai partîts che a fossin stâts za in Consei regjonâl di presentâsi aes elezions sucessivis cence scugnî cjapâ sù lis firmis"
da "Memoriis di politiche linguistiche" di Adrian Cescje
cjapâ sù loc.v.
Imparâ une nozion, une tecniche, tacâ a vê une abilitât e v.i.
esempi
"o dîs che, cu la lenghe che o vin cjapade sù ancjemò cuant che o jerin fruts, podê fevelâ cun Diu, al è un difindi la proprie dignitât"
da "Crist re cence prepotence" di Francesc Placerean
cjapâ sù loc.v.
Acetâ alc che al è proponût di altris o che si ven in cualchi maniere in contat, tant che une idee, une dotrine, une religjon, un mût di fâ e v.i.
sinonimi
cjoli sù
esempi
"il vizi di bevi lu ai cjapât sù di soldât, in caserme e fra i pics da lis montagnis"
da "Une scarpute" di Pieri Somede dai Marcs
"i zovins a cjapin sù a colp lis novitâts, dome parcè che a son novitâts"
da "La aghe da pît la cleve" di Dino Virgili
cjapâ sù loc.v.
Cjapâ une responsabilitât, une incjarie e v.i.
sinonimi
cjoli sù
esempi
"[la Regjon] e à di cjapâ sù la part di coordenament de tutele scolastiche che i assegne il decret ministeriâl dal 2002"
da "Memoriis di politiche linguistiche" di Adrian Cescje
cjapâ sù loc.v.
Dâ un lavôr, cjapâ a vore
esempi
"doman cjapait sù il dopli di operaris, cjolêt a nauli altris cjars e cjavai par tirâ dongje il materiâl, e lait indenant: dentri dal mês o vin di meti sù il cuviert"
da "Lis nestris rosis" di Pieri Somede dai Marcs
cjapâ sù loc.v.
Di une femine o di une mascje di animâl, restâ incinte, tacâ a spietâ un frut o un piçul o parturîlu
sinonimi
comprâ
esempi
"no è stade buine nancje di cjapâ sù un frut par so cont..."
da "Vilie di Nadâl" di Pieri Somede dai Marcs
cjapâ sù loc.v.
Di une comari, judâ une femine a parturî, judâ un frut a nassi
esempi
"une volte in ducj i paîs a jerin feminis che, cence vê studiât, a savevin cjapâ sù fruts come e forsit miôr di chês che e vevin il diplome"
da "Il forest" di Pieri Menis
cjapâ sù loc.v.
Fâ alc che al à efiet su se stes, sintî su di se i efiets di alc
esempi
"si fermave in paîs uns doi o trê dîs, passant di une ostarie a chê altre, cjapant sù di chês pipinis che Diu nus vuardi"
da "Credit" di Meni Ucel
proverbi
"a tindi masse archetis, a cjapin sù i uciei chei altris"
"ancje il Signôr al è dismontât di mus par cjapâ sù un fasûl"
"ce che si semene si cjape sù"
"cui che nol semene nol cjape sù"
"se tu sês cristian, cjapilu sù cu la man"
"si sta mancul a butâ vie che no a cjapâ sù"
Torna in Cima