SuperDizionari

cjapitul s.m.
(cja-pi-tul)

Ognidune des parts, plui o mancul lungjis, di un libri, di une conte, di un scrit e v.i.

esemplis

"lis primis peraulis che o ai scrit di chest libri a son stadis par furlan e a son chês dal incipit di chel che al è deventât il tierç cjapitul: e je la clamade che o ai vût cun Beppino Englaro cuant che al jere di lâ a cjoli Eluana"

gjavât fûr di "Interviste a Amato De Monte" di Christian Romanin

"chest cjapitul lu ai scrit par cirî di dîus che alc si vuadagne e alc si piert tal fevelâ dome une lenghe o plui di une lenghe"

gjavât fûr di "Il cjâf dai furlans" di Franc Fari

"al jevà e al cjapà sù un libri che al jere sul scabel dongje dal jet. [...] Al tornà a poiâsi jù, lu vierzè al prin cjapitul e al tacà a lei"

gjavât fûr di "Tal ospedâl" di Amedeo Giacomini

cjapitul s.m.
(cja-pi-tul)

Part di un at, di une norme, di un contrat, di une convenzion e v.i.

esemplis

"la vere part di novitât de 29 e je tal so cjapitul tierç, che al rivuarde la istruzion, la presince de lenghe furlane tes scuelis dal teritori furlan"

gjavât fûr di "Memoriis di politiche linguistiche" di Adrian Cescje

cjapitul s.m.
(cja-pi-tul)

Timp particolâr, fase di une vite, di une storie

sinonims

fase, periodi, dade, dade di timp, aspiet

esemplis

" li, pal puar vieli, si sierave un cjapitul si vierzeve un altri, fat di zornadis lungjis e di plui lungjis gnots"

gjavât fûr di "Aiar di cjase" di Franca Mainardis

cjapitul s.m.
(cja-pi-tul)

[TS] (dir.can.) Assemblee di cjalunis indotade di personalitât juridiche e di capacitât normative

esemplis

"lu àn propit disfat e la Bole e je tremende! Parcè che e bute jù par simpri il titul di patriarcje, il cjapitul di Aquilee, i dirits di diocesi e di metropolite"

gjavât fûr di "L'ultin patriarcje: Denêl Dolfin" di Francesc Placerean

monolengâl