Hai cercato la parola
monolingue
Torna indietro

monolingue

cjar s.f.
Part muscolâr dal cuarp dal om e dai animâi
esempi
"al sbarà doi colps a curte distance e milante balins a jentrarin te cjar di Febo che al murì al istant intun lâc di sanc cjalt"
da "Domenie di cjace" di Checo Tam
cjar s.f.
Part muscolâr che si mangje, in câs ancje cun altris tiessûts o ben in oposizion a altris tiessûts, des bestiis maçadis
sinonimi
cicin, cicine, cjarnam, cjarnum, polpe
esempi
"la ostarie ingrandide trê voltis cun tavernis saldo plenis di int a mangjâ la cjar su la gridele, cinc fantatis a siervî in taule, simpri il vin miôr, un puart di mâr"
da "Par stradis lungjis" di Alan Brusini
"al podeve mangjâ tant che al voleve. Cjar, cjar e cjar, cussì grasse che e faseve un dêt di cuince parsore dal brût"
da ""Nocent"" di Maria Forte
"cjar e pes a furnissin proteinis di alte cualitât e ancje fier"
da "Mangje san 3" di Guglielmo Pitzalis
cjar s.f.
Complès dai aspiets materiâi e animâi de persone, in oposizion al spirt (fig.)
sinonimi
cuarp
esempi
"un vueit, o dîs, che al po rivâ a la disperazion. Dentri, anime e cjar a berlin il so dirit di jessi"
da "Trê feminis" di Gianni Gregoricchio
cjar s.f.
Cuarp intindût tant che sogjet e ogjet sessuâl (fig.)
esempi
"lis tentazions, lis debilecis, i plasês de cjar"
"al è un an e mieç che jo ti ai dât dut, tu tu âs cognossude la mê cjar… ma tu no tu mi âs dât il tô cûr"
da "Un pugn di moscjis" di Pieri Somede dai Marcs
cjar s.f.
Cuntun possessîf, i fîs, i dissendents (fig.)
sinonimi
cjar de so cjar
esempi
"o volarès, jo, che tu vessis provât, cuant che i fîs a son malâts e che si scuen puartâ la sô cjar tal cimitieri, e il cûr al sclope"
da "La fie çuete" di Maria Forte
proverbi
"al vîf tant il jeur a jerbe che il lôf a cjar"
"cjan nol mangje cjar di cjan"
"cjar che e cres no po sta ferme"
"cjar di cûl no va in cîl"
"cjar di sbîr trê bêçs la lire"
"cjar di vedran no le vûl nancje il cjan"
"cjar e fâs cjar e jerbe a fâs mierde"
"cjar fumade no va di mal"
"cjar in mostre no si compre mai"
"cjar lavade e piert il savôr"
"cjar viere e fâs bon brût"
"cuant che la cjar e devente fruste, ancje la anime si juste"
"cui che al mangje cjar di pic nol devente ric"
"cui che al vûl cjar che al ledi in becjarie"
"cui vîf su la cjar muarte, cui sun chê vive, cui sun chê rabiose"
"fra cjar e ongule no stâ lassâti ponzi"
"i fasûi a son la cjar dai puars"
"la buine cjar e fâs putrope sbrume"
"la cjar che e mene no sta mai ferme"
"la cjar cul lavâle e piert il gust"
"la cjar dal vedran no le mangje nancje il cjan"
"la cjar e ven buine cuant che e je frole"
"la cjar plui cjare e je chê di vacje"
"la miôr cjar e je chê ator dal vues"
"mai mangjâ i piçs par voie di cjar"
"ni par bondance ni par cjaristie no reste la cjar in becjarie che il cjan o il gjat le puartin vie"
"no cjar di becjarie, no fantate di ostarie"
"no je cjar cence vues"
"no je mai vanzade cjar in becjarie che par lire o prionte no si dedi vie"
"no stâ mangjâti i dêts par voie di cjar"
"o sin ducj di cjar"
Torna in Cima