SuperDizionari

cjariâ v.tr.
(cja-ri-â)

Preparâ e meti sù robe, in particolâr su la schene o suntun veicul, par puartâle, traspuartâle, mandâle o sim. (ancje ass.)

sinonimi

cjamâ

esempi

"a vevin za cjariade la mobilie e i strafaniçs di famee e la cjavale di Toful, la Linde li difûr, e darpave par tiere seneose di movisi"

da "La aghe da pît la cleve" di Dino Virgili

"al veva cjariât i mûi cui li sô marcansiis al era zût in Viea"

da "I cjans di not" di Novella Cantarutti

cjariâ v.tr.
(cja-ri-â)

Meti in cundizion di funzionâ un aparât cul dâi o cul metii la energjie, la tension, il carburant, lis munizions o sim. che i coventin

sinonimi

cjariâ, tirâ sù

esempi

"il comandant, che al veve za fat cjariâ e cjapâ la smire, al de l'ordin di trai. Trê scjariis di mitra a rimbombarin pe val"

da "Il muc" di Roberto Ongaro

"«Al vûl dî che o spietarai, ve, alore», dissal. E al cjariave la pipe"

da "Il cicin" di Meni Ucel

cjariâ v.tr.
(cja-ri-â)

Dâ o meti alc che al pues jessi calcolât un pês, un valôr, une fadie, un impegn, ancje imateriâl, psicologjic, morâl e v.i. (fig.)

sinonimi

cjamâ

esempi

"il mestri nus à cjariâts di compits"

cjariâ v.tr.
(cja-ri-â)

Dâ o fâ vê alc, ancje di imateriâl, in grande cuantitât (fig.)

sinonimi

jemplâ, implenâ, sglonfâ, cjamâ

cjariâ v.tr.
(cja-ri-â)

Dâ impuartance, intensitât, ancje in maniere esagjerade (fig.)

sinonimi

marcâ, rimarcâ, cjalcjâ

esempi

"e cjariave i difiets di lui par dâsi une reson dal so sbaldiment"

da "Mabile la Lunghine" di Maria Forte

cjariâ v.tr.
(cja-ri-â)

Fâ une azion di fuarce, assaltant o sburtant

esempi

"i venezians a àn voltâts i cjavai par cjariâ par prime i balestrîrs che ju copavin un par un"

da "La bataie di Bant di Morsan" di Diego Navarria

"i manifestants a jerin daûr a dâ fûr volantins cuintri dal CPT e cuant che a àn cirût di blocâ la jentrade a son stâts cjariâts"

da "Gardiscje: scuintris denant dal CPT" di Redazion Radio Onde Furlane

cjariâ v.tr.
(cja-ri-â)

[TS] (inform.) Trasferî un file intun servidôr o intune cierte unitât di memorie

sinonimi

cjamâ, meti sù

esempi

"une volte cjatât l'articul che al interesse, si pues domandâ di vêlu a gratis par pueste eletroniche o di podê cjariâlu su CD o clavute USB"

da "Archivi rivistis" di SFF

cjariâ v.tr.
(cja-ri-â)

[TS] (eletr.) Dâ une cjarie eletriche, eletrizâ

monolingue