Tu âs cirût la peraule
monolengâl
torne indaûr

monolengâl

cjarte s.f.
(cjar-te)
Materiâl in sfueis fat lavorant fibris vegjetâls, doprât par scrivi parsore, par fâ pacs e v.i.
esemplis
"un sfuei, une risme, un rodul di cjarte"
"un toc di cjarte"
"cjarte blancje, colorade"
"cjarte a cuadris, a riis"
"cjarte grese, fine, fuarte"
"riciclâ la cjarte"
"Tai agns '60 e '70 lis cjarteris de Cjargne, specializadis te produzion di cualitâts particolârs di cjarte e di carton, a jerin un dai complès industriâi plui impuartants a nivel talian in chest setôr"
gjavât fûr di "La mont furlane" di Mauro Pascolini, Andrea Guaran
"a son stâts realizâts dome tal ultin trieni 307 imprescj didatics su cjarte e 177 struments didatics digjitâi"
gjavât fûr di "Insegnament dal furlan – la norme “in situazion”: tra regulis e plan de ufierte formative" di Patrizia Pavatti
"'Sese e met dut in ordin, e impie lampions sfodrâts di cjarte a colôrs, e tire festons di flôrs e franzis di cjarte, e met a puest cualchi ramaç di vert"
gjavât fûr di "A la oselade" di Pieri Somede dai Marcs
cjarte s.f.
(cjar-te)
Cualsisei sfuei o toc di chel materiâl, ancje cun scritis parsore che i dan une cierte funzion o carateristiche
sinonims
sfuei
esemplis
"al cjapà in man chês cjartis. A jerin doi biliets di Belgrât a Berne"
gjavât fûr di "In viaç di domenie" di Agnul di Spere
"cuant che il cjapitani al sintì ce che ur jere tocjât, al deventà blanc tant che une cjarte"
gjavât fûr di "Il muc" di Roberto Ongaro
cjarte s.f.
(cjar-te)
Ognidun dai tocs di cjarte, fat di dôs façadis, che al forme un libri, un fassicul e v.i.
sinonims
sfuei, pagjine
esemplis
"al tirà fûr un libron che al cjapave dut il taulin, si sentà da gnûf lecantsi il dêt poleâr. Al voltave cjarte, il sfuei grant al scrosopave"
gjavât fûr di "La aghe da pît la cleve" di Dino Virgili
cjarte s.f.
(cjar-te)
Cualsisei document scrit
esemplis
"za prime a Tresesin, tal Cuatri e Cinccent, par chel che si lei su lis pieris e su lis cjartis dal timp, i Pelôs a jerin int di pols"
gjavât fûr di "Come tai romançs" di Alan Brusini
"a cjase tal ricuadri iluminât dal barcon, lu viodevin pleât su lis cjartis fin a straoris"
gjavât fûr di "Il Bide di Miot" di Maria Forte
"al è un memoreâ e un cusî sbrendui di scrituris sepulidis sot des tantis cjartis che, ûs lis stratificazions gjeologjichis dai crets des nestris montagnis, mi contin di etis passadis de mê vite"
gjavât fûr di "Memoriis di politiche linguistiche" di Adrian Cescje
cjarte s.f.
(cjar-te)
Document juridic, document cun valôr uficiâl
sinonims
contrat, document, papîr
esemplis
"si tornave indaûr, si balinave framieç di une confusion di cjartis, scrituris, mandâts testamentaris, come tun zûc di scuviertis e negazions des scuviertis, dulà che il nodâr e il podestât a parevin ognidun recitâ la sô butade"
gjavât fûr di "Madalene" di Franco Marchetta
"une biele matine il miedi al firmà la cjarte de licence di convalessence"
gjavât fûr di "Trê feminis" di Gianni Gregoricchio
"Enea nol podeve mai partî pal Venezuela par vie che lis cjartis i jerin tornadis indaûr uns cuatri voltis"
gjavât fûr di "Amîs come prime" di Alan Brusini
cjarte s.f.
(cjar-te)
Ancje maiusc., declarazion di principis
esemplis
"de Risoluzion suntune Cjarte des lenghis regjonâls e suntune Cjarte dai dirits des minorancis etnichis [...] la aule di Strasburc e à batût cun convinzion intal ricognossi une rilevance europeane ai dirits linguistics"
gjavât fûr di "La libertât di lenghe tant che dirit fondamentâl. Atualitât e complessitât dai contignûts de “Cjarte di Chivasso”" di Marc Stolf
cjarte s.f.
(cjar-te)
Spec. tal pl., ognidun dai retangui di cjarte dure che par devant al è contressegnât di un numar o di une figure, intant che par daûr al è compagn di ducj chei altris dal stes mac, doprât par diviers zûcs
sinonims
cjarte di zûc
esemplis
"cjartis nostranis"
"cjartis trevisanis"
"cjartis napoletanis"
"cjartis francesis"
"cuatri oms a zuiavin di cjartis su di un taulin. Poiant la cjarte a pestavin i pugns vosant e blestemant"
gjavât fûr di "I forescj" di Alan Brusini, Gian Paolo Linda
"i zuiadôrs si lechin i poleârs, a vierzin lis cjartis a parefresc, devant, a scomencin a zuiâ, cjalantsi, ad ogni pio, tai voi: une cimiade… un mot di bocje, di lavris, di voi, di spale…"
gjavât fûr di "La aghe da pît la cleve" di Dino Virgili
cjarte s.f.
(cjar-te)
Element che al pues judâ a rivâ a un fin e che al pues mudâ di tant la situazion (fig.)
esemplis
"vê ancjemò cualchi cjarte di zuiâ"
"un Friûl in grât di doprâ in maniere unitarie, fuarte e decisive la cjarte de sô identitât culturâl, storiche e linguistiche, la sô potenzialitât economiche e tecnologjiche"
gjavât fûr di "Di ca e di là de aghe" di Antoni Beline
cjarte s.f.
(cjar-te)
Rapresentazion grafiche di une aree gjeografiche
sinonims
cjartine, cjartute, mape
esemplis
"il Shell al slargjave la cjarte sul taulin dal bar e al segnave cul dêt la strade"
gjavât fûr di "La strade come un destin" di Dino Virgili
"la camarelute un fregul plui mugnestre nus presente une cjarte di Vignesie grande come un bleon"
gjavât fûr di "Viaç a Vignesie" di Arturo Feruglio
cjarte s.f.
(cjar-te)
Intai ristorants, liste di robis di mangjâ o di bevi che si puedin ordenâ
sinonims
menù, liste
esemplis
"i siôrs vuelino viodi la cjarte dai vins?"
cjarte s.f.
(cjar-te)
Sfuei di chel materiâl o ancje di plastiche o altri, che al covente par tignî dongje, parâ o fâ biei pacs o robis dal gjenar
esemplis
"biel planc, poiât il voluç sui zenoi, al veve disgropât il spali e disvoluçade la cjarte"
gjavât fûr di "Grivôr" di Franca Mainardis
cjarte s.f.
(cjar-te)
Biliet di bancje, monede fate di cjarte
sinonims
biliet, sfuei
esemplis
"ogni cuindis dîs al lave [in bancje] a Tresesin a meti jù il so macut di cjartis di mil; i siei sparagns a cressevin sot i voi"
gjavât fûr di "Prime di sere" di Carlo Sgorlon
"o calcolais che i paternoster e lis avemariis a sedin monede a valôr stabil, tant che lis cjartis di cent"
gjavât fûr di "Lis predicjis dal muini" di Josef Marchet
cjarte s.f.
(cjar-te)
Piçule schede cun bande magnetiche o chip, leade a une posizion intun istitût di credit, che si pues doprâ par paiâ o par fâ operazions tai sportei automatics
sinonims
cjarte di credit, cjarte di debit, bancomat
esemplis
"no ai bêçs intor, ma o pues paiâ cu la cjarte"
detulis
"cui che al à inventât la cjarte nol à savût dismetile"
"fortunât in amôr, disfortunât a cjartis"
"la cjarte e cjante"
"la cjarte e je paziente"
"la cjarte si lasse meti sù ce che si vûl"
"la cjarte si lasse scrivi"
"la peraule e svole, la cjarte e reste"
"no si po sfuarçâ lis cjartis"
"su la cjarte si po scrivi ce che si vûl"
torne sù